/widgets.js";var sz=d.getElementsByTagName(s)[0];sz.parentNode.insertBefore(z,sz)}(document,"script","zb-embed-code"));

Gov. Tyron Uy gipanguluhan ang 2 ka adlawng “ARENA XI Serbisyo Caravan” sa Monkayo

Compostela Valley Province–Sila si Gov. Jayvee Tyron Uy, ARENA XI President NEDA Region XI Director Maria Lurdes D. Lim,  ug Mayor Ramil Gentugaya maoy nangulo sa “ARENA XI(Association of Regional Executives of National Agencies in Region XI) Serbisyo  CARAVAN-Bayanihan Para sa Sambayanan” nga gidungan paghimo sulod sa duha ka adlaw niadtong Oktobre 3-4,2017 diha sa Brangay Mt. Diwata ug Brgy. Upper-Ulip, Monkayo Comval Province.

Panahon saa duha ka adlawng ARENA XI Serbisyo Caravan ang National nga Gobyerno sa pagpanguna ni ARENA XI President NEDA Region XI Director Ma. Lourdes Lim, ang PLGU Comval, ug ang LGU Monkayo nagtinabangay sulod sa duha ka adlaw pagtunol sa libreng mga serbisyo sa panglawas ug sa uban pang mga serbisyo sa Gobyerno ngadto sa mga katawhan niining mga barangaya sa Monkayo.

Gikan sa Department of Health (DOH), sa PHO, sa PEEMO, ug MHO-Monkayo gitunol ang libreng mga serbisyo sa panglawas sama sa libreng ibot sa ngipon ug uban pang dental services; libreng opera (minor surgery); libreng tuli; libreng Pre-Natal ug Family Planning Counselling; libreng Eye Examination sa Ophthalmologist; libreng Pnemococcal Immunization sa mga Senior Citizens; libreng Diet Counselling sa mga buntis ug nagpasusong mga inahan; libreng konsulta sa mga doktor ug mga espesyalista sa Internal medicine, sa Pedia ug uban pa diin ang mga pasyente gipanghatagan sa libreng mga tambal ug libreng vitamins.

Adunay pagpanghatag sa mga semilya sa Cacao, Rubber, Coffee, Mais, Fish Fingerlings nga gitabangan pagtunol nga libre sa Department of Agriculture(DA) ug sa Bureau of Fisheries and Aquatic Resources (BFAR) kauban ang MAGRO Monkayo ug Comval PAGRO sa pagpanguna ni PAGRO Chief Dr. Rolando Simene.

Miapil sa duha ka adlawng ARENA XI Serbisyo Caravan ang Phil. Red Cross Comval Chapter; ang mga kapulisan; ang Phil. Army sa pagpanguna ni 1001st Brigade Commander Col. Erwin Bernard L. Neri; ug uban pang Regional Offices sa nasyonal nga gobyerno sama sa DOH, DILG, DENR, DOST, BFAR, D.A., ang Philippine Statistics Authority (PSA), NCIP, NEDA, DepEd, COMELEC, CHED, NFA, DTI, DOLE, PHIC, PAO, DAR, PRC, OPAPP, FIDA, NFA, Phil. Mining Corporation, sa DSWD nga nanghatag og liboang Family Food Packs, ug uban pa.

Ang pagpahigayon sa ARENA XI Serbisyo Caravan sa Monkayo maoy usa sa mga labing mahinungdanong butang nga gipangayo ni Gov. Tyron Uy sa mga Regional Executives atol sa bag-o nahumang Meeting didto sa Davao City. (Gilbert Cabahug//ids comval)