Col. Neri: Paghimo ug mga karsada dako’g mabuhat sa mas daling pagsulbad sa “Insurgency Problem”

Compostela Valley Province-Dako’g mabuhat sa daling kasulbaran sa problema sa insurhensiya dinhi sa Pilipinas ang pagbuhat sa nindot ug maayo agiang mga karsada, ug sa pagsulti ni  1001st Brigade Commander Col. Erwin Bernard L. Neri niini iyang gipahibalo ang dako niyang kalipay sa report sa DPWH mahitungod sa magkuros-kuros nga mga Road Concreting Projects sa nagkadaiyang mga lungsod sa Comval Province nga pagasugdan sa 2018.

Parte sa usa ka adlawng “Comval Tourism Month Awarding and Culmination Day” nga gidumala nila ni Beautification and Tourism Committee Chair BM Joanna Aileen Gentugaya ug sa opisina ni Provincial Tourism Council Chair Gov. Jayvee Tyron Uy  ang paghatag ni 1001st Brigade Commander Col. Neri og Update sa “State of Security and Peace and Order” sa Comval nga nahitabo human ang update sad sa DPWH sa nagkadaiyang Tourism Road Infrastructure Priority Projects sa probinsiya nga gipabati ni Engr. Edwin Ortiz sa DEO Comval.

Matud pa niya nga pabilin gihapon karon nga dakong hulga sa seguridad sa probinsiya ang presensiya sa nagkadaiyang local communist groups apan anaa ra gihapon kini sa manageable level, ug gani matud pa niya nga mas midaghan pa karon ang mga turista nga misulod sa nagkdaiyang “Tourist Destination Sites” sa probinsiya labi na human sa deklarasyong Martial Law sa tibuok kapudpud-an sa Mindanao ni PRRD.

Ang bag-o nahumang “Comval Tourism Month Awarding and Culmination Day” nahitabo didto sa Big 8 Hotel sa Davao City niadtong Septyembre 29,2017 nga gitambongan sad nila Mayor Lema Bolo sa Compostela; Torre de Lorenzo Group of Companies VizMin Business Head Mr. Huey Tan nga maoy mihatag sa ilang “Lubi Plantation Update”; Senior Tourism Officer Christine Dompor; ug PG Department Heads nga sila PEO Chief Engr. Rhodewrick Digamon, PGSO Chief Arceli Timog-timog, PLGU-PENRO Chief Eugene Alaba, ug mga respetadong grupo ug individual nga gipasidunggan sa probinsiya tungod sa ilang kontrbusyon sa pangkalambuang tinguha sa turismo sa tibuok Comval Province. (Gilbert Cabahug//ids comval)