Sa Comval: Tulo ka mga Road Concreting Projects sa DILG human na

Compostela Valley Province— Kompirmado nang human kon 100% Complete ang tulo ka mga Road Concreting Projects sa DILG nga giimplementar ni Gov. Jayvee Tyron Uy gamit ang dakong pundo nga gihatag sa Malacañang pinaagi sa “Department of Interior and Local Government (DILG)” ug sa “Department of Budget and Management (DBM)” ilalom sa mas gipakusog nga “KALSADA Program” ni Pang. Rody Duterte sa Pilipinas.

Ang gipagulang Report sa “Road Management Team” nga gimugna ni Gov.  Tyron Uy nagtug-an sa unang tulo ka mga “KALSADA Program Projects”  sa Comval nga nahuman diin ang kada usa niini adunay budget nga P30,581,147.13 nga naglangkob sa 2.32 KM Awao Road-San Jose Section sa Monkayo; sa 3.34 KM nga Nabunturan-Saosao-Nuevo Iloco Road (Libasan-Saosao Section); ug sa 3.8 KM nga Dumlan-Anibongan-Lapulapu Road sa Maco.

Samtang, padayon pang gitrabaho ang 2.62 KM nga Mayaon,Montevista-San Antonio, Laak Road (Junction Canidkid-Mayaon Section) nga apil sa mga nasugdang Road Concreting Projects ubos sa KALADA Program sa pangulo nga gisugdan gihapon pagtrabaho sa nakalabayng tuig.

Ubos sa KALSADA Program ni Pang. Rody Duterte ang DILG ug ang DBM  mihatag og dakong pundo sa Comval Province aron gamiton pag-upgrade gikan sa gravel ngadto sa concrete sa mga Provincial Roads, ug maoy gitahasan niini ang Provincial LGUs pinaagi sa gimugnang “Local Road Management Team” aron mangamot sa mga mahinungdanong buluhaton sa pre-implementation ug panahon sa Construction. (Gilbert Cabahug/ids comval)