Sa Comval: 3,298 Scouts miapil sa “11th BSP Comval Council Jamboree” sa kapitolyo

Compostela Valley Province-— Miabot karon sa 3,298 ka mga Scouts ang miapil sa “11th BSP-Compostela Valley Council Jamboree and Kab-O-Rama” nga sa unang higayon gihimo sulod sa Comval Capitol Compound, ug giklaro ni BSP Comval Council Chair Gov. Jayvee Tyron Uy nga record breaking ang maong panagtapok  nga dunay labing daghang partisipante sa kasaysayan sa probinsiya.

Nanguna sa mga dagkong delegasyon ang mga taga Nabunturan nga dunay 626 mipartisipar ng mga Scouts, ang mga taga Maco-681 ka mga Scouts, ang Maragusan– 418 ka mga Scouts, ang Pantukan-298, ang Monkayo-254, ug ang Compostela-249.

Segun sa nakalatag nga Program of Activities ang mga partisipante ipaailalom sa lima ka adlawng mga pagbansay (Sept.27-Oktobre 1,2017) sa nagkadaiyang mga survival skills nga mas palamboon  pinaagi sa himoong indigay panahon sa pagasaw-ang Skill-O-Rama nga maglakip sa Three Legged Race, Skinning the Snake, ang “Ring and Straw Relay”, Flag Pole Raising, Compass Relay, Message Relay, Chariot Race, Wig-wag, Fire Building, Undressing-Dressing Contest, Egg-Spoon Relay, Knot Tying Contest, ug Marble Race.

Sama sa milabayng Jamboree naa gihapon ang Fancy Drill Competition; ang Physical Fitness; Sub-Camp Campfire; Woodbadge Reunion; Grand Campfire Kid and Kawan Holiday; Dawn Peace Walk; ug nagkadaiyang Amazing Activivties sama sa Challenge Valley, Back to Basic, Emergency Preparedness, ug Cultural Exchange.

Ang “11th BSP-Comval Council Jamboree and Kab-O-Rama” gisugdan sa “Formal Declaration of the Opening  of the Jamboree” nga gihimo ni Gov. Tyron Uy niadtong Miyerkules (Sept. 27,2017) panahon sa Opening Program kauban ang mga Council Members nga ang kadaghanan mga dagkong Opisyal sa DepEd Comval sa pagpanguna ni SDS Dr. Reynante Solitario, ni SP Member Vivencia Secuya, sa mga Municipal Mayors sa pagpanguna ni LMP Chair Mayor Roberto Yugo sa Pantukan, ug pipila sa mga dagkong Opsiyal sa Boy Scout of the Philippines.

Una niini ang Earth Quake Drill nga ilang gihimo dungan ang mga empleyado sa Comval Capitol, ug nagsunod dayon ang taas kaayong parada libot sa Capitol Compound. Human sa taas kaayong parade ang gihimong Camp Yell sa matag grupo sa mipartisipar nga mga Scouts nga gisundan sad dayon sa Opening Ceremony. (Gilbert Cabahug/ids comval)

Miabot karon sa 3,298 ka mga Scouts ang miapil sa “11th BSP-Compostela Valley Council Jamboree and Kab-O-Rama” nga sa unang higayon gihimo sulod sa Comval Capitol Compound sa Septyembre 27-Oktubre 1, 2017. Matud ni BSP Comval Council Chair Gov. Jayvee Tyron Uy nga record breaking ang maong panagtapok nga dunay labing daghang partisipante sa kasaysayan sa probinsiya. (maryel lasaca/ids comval)