Gov. Uy gihatagan sa “Presidential 2017 CSC Pag-asa Award” ni PRRD

Compostela Valley Province— Tungod sa “Comval I-Rice” nga usa sa iyang mga “Landmark Legislations” gihatagan karon si Gov. Jayvee Tyron Uy sa “Presidential 2017 CSC Pag-asa Award” ni Pangulong Rodrigo Roa Duterte (PRRD).

Kauban si PHRMDO Chief Lara Zaphire Kristy N. Bermejo  niadtong  Sept. 20, 2017 sulod sa palasyo sa Malacañang malipayong gidawat ni Gov. Uy ang “2017 CSC Pag-asa Award- Group Category” nga gihatag ni PRRD ngadto kaniya ug mga kaubang awardee sad sama kaniya nga sila  DOST Region XI Dir. Anthony Sales, DOST Comval PD Kenneth Barroga, FNRI Senior Science Research Specialist Marcela Saises, ug FNRI Assistant Scientist Dr. Imelda A. Agdeppa.

Ang hugtanong suporta ni Gov. Uy sa R.A. 8976 kon “Philippine Food Fortification Law” pinaagi sa pagpasar sa “Comval I-Rice Ordinance of 2015” nga usa sa iyang mga “ladmark legislations” panahon nga siya usa pa ka Board Member sa Comval; ug ang gipakusog niyang “Advocacy Campaign” sa pagkunsumo sa “Iron Fortified Rice” kon “Comval I-Rice” nga maoy ginapakaon karon sa hapit 10,000 “Wasted and Severely Wasted ES Pupils”  ilalom sa  gipakusog niyang  “Bayanihan Para sa Kalusugan-Kalinga sa Kusina (BpsK-KnN) Program” sa Comval gihatagan sa taas nga Passing Mark sa mga Evaluators nga gipadala sa CSC Central office sa kauluhan.

Tumong sa gipakusog nga Advocacy Campaign sa Comval I-Rice nga mas mokunhod pa ang ihap sa mga kabataan ug mga katawhan nga dunay Iron Deficiency Anemia (IDA), nga diin ang apektado niini adunay below normal nga gidaghanon ang ilang red blood cells kon ubos ang ilang hemoglobin tungod gamay lang ang ilang nakunsumo nga iron matag adlaw.

Gisulti ni FNRI Assistant Scientist Dr. Imelda Angeles-Agdeppa, nga ang mga kabataan nga adunay IDA kasagaran ubos kaayo ang ilang scholastic performance tungod hinay ang ilang panabot. Luyahon sad ug daling masakit ang kasagaran kanila kay menos kaayo ang ilang immune response. (Gilbert Cabahug/ids comval)