Comval nag-apil sa “3rd Quarter Nationwide Simultaneous Earthquake Drill”

Compostela Valley Province–— Diyutayng kahilom sa tibuok kapitolyo nahitabo sulod sa pipila ka minuto human ang sunod-sunod nga busina timaan nga nagsugod na ang pipila ka minutong “Earthquake Drill” sa mga empleyado sa Comval Capitol nga hugtanong nagpartisipar sa “3rd Quarter Nationwide Simultaneous Earthquake Drill (NSED) 2017” nga gimando sa Malacañang pinaagi sa NDRRMC Memorandum No. 112 Series of 2017.

Dungan kanila ang 3,298 ka mga partisipante sa “11th BSP Comval Council Jamboree and Kab-O-Rama” nga naghimo sa “3rd Quarter Nationwide Simultaneous Earthquake Drill (NSED) 2017” nga unang kalihokan sa lima ka adlawng panagtapok sulod sa Comval Capitol Phase–2.

Mismo si Gov. Jayvee Tyron Uy ug ang mga SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy maoy nanguna sa Earthquake Drill sulod sa Capitol Compound nga gisugdan sa pipila ka minutong time bell sa alas 2:00 sa hapon, ug samtang nahitabo ang sunod-sunod nga busina gihimo dayon ang “Drop, Cover and Hold” sa tanang mga partisipante nga nag-iyahay ug suksok ilalom sa mga lamesa ug mga lugar nga gituhoang luwas pasilongan ug tagoan.

Human niini ang hilom ug hinay-hinayng paggawas sa building ug sa nagkdaiyang Camp Tents paingon sa evacuation centers subay ang pahimangno nga human sa kusog nga linog dili mag-iyahayg panagan pagawas aron malikayan ang dugang kadaot tungod sa panic mga mo resulta sa stampede.

Gitumong “2nd Quarter Nationwide Simultaneous Earthquake Drill (NSED) 2017” nga ang mga Empleyado sa Gobyerno ug ang mga estudyante makakat-on sa mga importanteng pagahimoon sa higayon nga adunay linog diin lakip niini ang “Drop Cover and Hold”, ang kasayuran sa Evacuation Route Exit kon paggawas, ug ang direktang pagaadtoan kon Evacuation Area human ang linog. (Gilbert Cabahug/ids comval)