the Official Website of Compostela Valley

Comval ang Champion Province sa “Digital Governance Awards 2019”

Compostela Valley Province-Champion Province ang Compostela Valley sa “Digital Governance Awards 2019” nga mihakot  sa duha ka mga National Awards atol sa bag-o nahumang “Digital Governance Awards Night” nga malampusong gihimo sulod sa Jose Rizal Hall, Philippine International Convention Center (PICC) Complex sa Pasay City niadtong Martes (Nobyembre 26,2019).

Gideklara mismo nila DICT Sec. Gregorio B. Honasan II, DILG Sec. Eduardo M. Ano, ug NICP President Jonathan D. De Luzuriaga ang Compostela Valley nga Champion Province sa kategoryang “Best in Government Interoperability Award (G2G) Provincial Level”, ug 2nd Place sa kategoryang “Best in Business Empowerment Award (G2B) Provincial Level”.

Ang duha ka mga National Awards malipayong gidawat ni Gov. Jayvee Tyron Uy pinaagi nila Information and Communication Technology Communication Development Division (ITCDD) Chief Joyzel R. Odi, Provincial Voluntary Blood Services Program Coordinator Leonardo Merced, ug Information System Analyst Wilfredo M. Galagala.

Sa “G2G Award” wining entry sa Comval ang “Document Management System” nga gi-develop ni Geoge Dan Gil Duran (Computer Programmer), ug sa “G2B Award” winning entry sa probinsiya ang “Blood Distribution Management System” nga gi develop ni Kent Vincent Gonzales (Computer Programmer).

Si Gov. Tyron Uy opisyal nga giimbitar nila DICT Dir. Emmy Lou V. Delfin ug NICP Project Lead for Digital Governance Awards Arrish C. Altavano pinaagi sa gipadalang sulat niadtong Nobyembre 15,2019 nga motambong sa “Digital Awards Night” didto sa kauluhan tungod ang Comval Province apil sa mga Awardees nga pasidunggan sa maong okasyon.

Ang Digital Governance Awards usa ka annual kon tinuig nga search for best practices sa mga local government units paggamit sa ICT aron mamahimong mas effective ug mas efficient sa public services delivery.Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial