the Official Website of Compostela Valley

300 Coconut Farmers nagtapok sa“1st Comval Coconut Summit”

Compostela Valley Province-Diha sa Comval Capitol gipanguluhan mismo ni Gov. Jayvee Tyron Uy ang kapin kon kulang 300 ka mga Coconut Farmers nga nagtapok alang sa usaka adlawng “1st Comval Coconut Summit” nga gituyo pagmugna aron mahisgutan ang mga maayong lakang sa gobyerno aron mas mapalambo ang Coconut Industry sa Nasud.

Ilalom sa High Values Commercial Crops Development Program nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy ang mga paningkamot nga mahatagan ug dakong kaayohan ang mga Coconut Farmers aron mosaka sa taas nga lebel ang kahimtang sa ilang pamuyo.

Sa pagkakaron matud ni OIC PCA Administrator Ruel Rosales nga ang gobyerno naningkamot nga maatiman ang nagkadaiyang mga panginahanglan sa mga Coconut Famers aron mapaneguro ang ilang pag-asenso ubos sa nagkadaiyang Component Ventures nga mao ang Coco Hybridization, Farm Venture, Agri-Biotech Venture, Bio Fuel Venture, ug ang Food and Non-Food Innovation Ventures.

Si OIC-PCA Administrator Rosales maoy mihatag sa “Coconut National Road Map”sa nasud ni Pang.Rodrigo Roa Duterte (PRRD) atol sa maong Summit diin iyang gisulti ang bahin sa Diversification ug Value Adding Inovations sa mga produkto sa lubi nga gihimo ug planong himoon sa gobyerno aron mapaneguro ang paghatag og dakong kaayohan sa mga Coconut Farmers bisan pa man kon masinati ang problema sa International Market sa Lubi.

Ang “1st Comval Coconut Summit” gitambongan mismo ni Mindanao Development Authority (MinDA) Secretary Manny Piñol nga mihatag sa iyang Keynote Message nga“Coconut Industry in Mindanao” ug ni OLEOFATS Manager Redentor Galura nga nagpahibalo nga P26.00/kilo na ang ilang palit sa Copra sa pagkakaron.

Hinuon ang presyo sa lubi posibleng mosaka o mo ubos matud pa niya tungod kay nagadepende kini sa International Market.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial