the Official Website of Compostela Valley

Comval ang “13th Most Competitive Province” sa Pilipinas

Ang Compostela Valley Province (Soon to be Davao De Oro) maoy giilang 13th Most Competitive Province sa Pilipinas atol sa “7th Regional Competiveness Summit” nga giapilan sa tanang mga rehiyon sa Nasud.

Ang “7th Regional Competitiveness Summit” nga gipasiugdahan sa Department of Trade and Industry (DTI) nahitabo didto sa Philippine International Convention Center (PICC), Manila niadtong milabayng Huwebes (Oktobre 24,2019) diin gibasehan sa DTI pag-ila sa level sa competiveness sa matag probinsiya ang “Government Efficiency, Infrastructure, Economic Dynamism, and Resilience.”

Ang Official Record sa “Cities and Municipalities Competiveness Index (CMCI)” sa DTI nagtug-an nga gikan sa pagkahimong 30th Most Competive sa milabayng 2018 atol sa “6th Regional Competiveness Summit” ang Comval misaka sa ika 13 nga most competitive province timaan sa very healthy nga economic activity sa probinsya ug mga kalungsuran nga nakadani sa daghang mga investor nga nagbubo sa ilang puhunan.

Kahibaloan nga sa 2019 gisugdan ang sistema sa panggobyernong 4Ps Plus kon Prosperity, People, Planet, Peace, and Good Governance nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy. (Gilbert M. Cabahug, PAO-ID Comval)

#OneComvalOneVision #YEStoDavaoDeOro

Please like and share:
Social media & sharing icons powered by UltimatelySocial