the Official Website of Compostela Valley

“P2M Barangay Health Station” sa Prosperidad Montevista gi turn-over ni Gov. Tyron Uy

Compostela Valley Province—--Giturn-over mismo ni Gov. Jayvee Tyron Uy ang bag-o nahumang Brgy. Health Station diha sa Barangay Prosperidad, Montevista, Comval province nga gipabuhat sa probinsiya gamit ang dakong pundo nga gihatag sa Comval ni President Rodrigo Duterte pinaagi sa Department of Health ilalom sa Health Facility Enhancement Program (HFEP) para sa tuig 2018.

Ang Turn-over Ceremony nahitabo niadtong Oktobre 24, 2019 ug nakauban ni Gov. Tyron Uy si Comval Provincial Health Officer Dr. Antonio Ybiernas Jr. sa pagtunol sa bag-o nahumang Brgy. Health Station diin matud ni HFEP Focal Marilou Tuazon nga miabot sa P2Milyones ang nagastong pundo sa construction tungod sa counterpart nga gihatag sa probinsiya.

Para sa tuig 2018 ang Center for Health Development sa DOH Regional Office XI mihatag sa Comval og P16.2 Milyones nga karon gigamit sa probinsiya para sa Construction sa 9 ka mga Brgy. Health Stations nga parte sa Preventive Aspect sa Health Care Services Delivery. (Gilbert M. Cabahug PAO-ID Comval)

Please like and share:
Social media & sharing icons powered by UltimatelySocial