the Official Website of Compostela Valley

Comval mohatag og P15 Mil dugang tabang sa FR nga mo surrender sa 2020

Compostela Valley Province—-Ang probinsya sa Compostela Valley ubos sa pagdumala ni Governor Jayvee Tyron L. Uy mohatag sad og P15,000.00 isip dugang ayuda ngadto sa kada usa sa mga Former Rebels (FR) nga mo surrender kon mobalik sa sabakan sa gobyerno sa tuig 2020. Dugang kini matud ni Provincial Peace and Order Council (PPOC) Chair Gov. Uy sa mga benepisyo nga ilang madawat gikan sa National nga Gobyerno ilalom sa Enhance Comprehensive Local Integration Program (E-CLIP).

Si PPOC Chair Gov. Uy malipayong nagpahibalo niini ngadto sa mga opisyal ug mga sakop sa Provincial Development Council (PDC) ug sa PPOC nga mitambong sa bag-o nahumang joint meeting diha sa kapitolyo niadtong Oktobre 22, 2019.

Iyang kauban nga nagdumala sa Meeting sila PPDO Chief Romeo Celeste ug DILG Provincial Director Noel Duarte, ug parte sa Meeting ang E-CLIP Update diin atol niini gisulti mismo sa goberndor ang paghatag og P15,000.00 dugang tabang sa matag FR nga mo surrender.

Atol gihapon sa maong meeting gipahibalo ni PSWDO Chief Josephine Frasco ang paghatag sa DSWD og dugang tabang ngadto sa mga FR nga mi-surrender na sa sabakan sa gobyerno niadtong Hulyo 1, 2016 hangtud sa Desyembre 31, 2018 ug sa pagkakaron padayon pa nilang gihimo ang interview and needs assessment sa mga FRs nga maoy basehan sa ihatag kanila nga mga kaayohan sa gobyerno.

Ilalom sa E-CLIP ang FRs makadawat og P65,000.00 Livelihood Assistance ug Immediate Assistance ang kada usa, ug gikalipay sa mga dagkong opisyal sa militar ang P15,000.00 dugang tabang sa probinsiya tungod apilon pag-atiman diha sa ilang kampo sulod sa pipila ka bulan ang asawa ug mga anak sa FRs panahon sa ilang pag surrender.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial