the Official Website of Compostela Valley

Katawhan sa Sitio Bongloy gikalipay ang pag-ubos sa pletehan panahon sa School Build

Compostela Valley Province—-Gawas nga duna na silay bag-ong eskwelahan, dugang kalipay sa mga katawhan sa Sitio Bongloy Brgy. Pagsabangan, New Bataan mao ang kalit nga pag-ubos sa pletehan tungod maayo na ang ilang karsada bisan graveled road pa lang.

Matud ni Juliefe Basta nga dako gyod kaayo nilang kalipay kay bisan sa P150.00 nga plete pwede na sila makaabot sa sentro sa New Bataan gikan sa P700.00 naandan nga magastong plete gikan sa Sitio Bongloy nga nahitabo pagsugod pa lang sa construction sa 1 Unit 2 Classroom Building nga gi turnover nila ni Gov. Tyron Uy ug Vice Gov. Maricar Zamora niadtong Oktobre 4, 2019.

Gawas sa pagpanindot sa karsada, component sad sa gitukod nga School Building matud ni Assistant Provincial Administrator Placido Alcomendras Jr. ang Functional Kitchen nga sangkap sa pasilidad, ang Teachers’ Cottage, ang Solar Panel, ang Water Tank, Lamesa sa mga magtutudlo ug mga lingkoranan, ug ang Gulayan sa Paaralan.

Ang Construction gisugdan niadtong Septyembre 20, 2019 ug tungod human na kini, giturn-over dayon ngadto sa DepEd ug sa Brgy. Pagsabangan nila ni Gov. Tyron Uy ug Vice Gov. Maricar Zamora sa milabayng Biyernes nga malipayong gidawat sa Barangay sa pagpanguna ni Barangay Capt. Raymond Baugto nga mitulo ang luha sa kalipay atol sa iyang acceptance message.

Ang turn-over ceremony gitambongan nila Mayor Gerald Ford Balbin Jr., SGOD Chief Dr. Ruben Reponte sa Comval DepEd; 66th  IB Commander Lt. Col. Roman M Maborrang; PNP Comval PD PCol Joselito Loriza; ug PG Department Heads nga sila PENRO Eugene Alaba, PGSO Chief Arceli Timogtimog, PSWDO Chief Josephine Frasco, PEO Chief Engr. Rhoderick Digamon, Assistant Provincial Administrator Placido Alcomendras Jr, Executive Assistant IV. Dr. John Edward Coloma, ug Alfonso Tabas Jr.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial