the Official Website of Compostela Valley

Gov. Tyron Uy magpatabang sa DIDP  para sa abundang tubig mainom sa Montevista ug Nabunturan

Compostela Valley Province—-Pangayoan ni Gov. Tyron Uy og tabang ang “Davao Integrated Development Program (DIDP)” aron mapaneguro ang abundang tubig mainom sa Montevista ug Nabunturan, ug matud sa gobernador nga iyang ipatan-aw sa mga kadagkoan sa DIDP ang Brgy. Katipunan, Nabunturan  nga nakitang Potential Source sa abundang tubig mainom.

Gisulti kini sa Gobernador atol sa DIDP Board Meeting nga malampusong gihimo sa Comval Capitol niadtong Agosto 28, 2019 kauban ang DIDP Board nga naglangkob sa mga Local Chief Executive sa Member LGUs; sa DIDP Executive Director; ug Region XI Directors sa NEDA, sa DA, sa DPWH, ug sa DILG.

Panahon sa Meeting gihimo sad ang election sa bag-ong set sa DIDP Board nga miresulta sa pagpili kang Davao del Norte Gov. Edwin Jubahib nga bag-ong DIDP Chair ug kang Gov. Jayvee Tyron Uy nga DIDP Vice Chair.

“Today, the Provincial Government of Compostela Valley hosted this quarter’s meeting of the Davao Integrated Development Program (DIDP). As Vice-Chair, I’m happy to welcome DIDP Chair, Gov. Edwin Jubahib of Davao del Norte and all other planning officers from the different LGUs of Davao Region,” matud ni Gov. Tyron Uy. #YEStoDavaoDeOro (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial