the Official Website of Compostela Valley

15,629 MSAP Shelters nga gitukod sa Comval human na

Compostela Valley Province —– Nahuman na ang 15,629 Housing Units nga kasagaran gipabuhat sa probinsiya diha sa giilang Hardly Hit Municipalities nga mao ang mga lungsod sa Monkayo, Laak, Montevista, ug Compostela.

Gigamit sa pagtukod niining mga balaya ang dakong pundo gikan sa Malacañang nga gihatag sa Comval pinaagi sa DSWD ilalom sa Modified Shelter Assistance Program (MSAP) alang sa nagpadayong programa sa pabalay nga gipakusog sa Comval (Soon to be Davao De Oro) nila ni Gov. Jayvee Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

1st Tranche ang 115 Housing Units diha sa Brgy. Kidawa, Laak nga gitabangan pagtukod sa mga katawhan ikaduhang semana sa Nobyembre 2013 atol sa usa ka semanang USWAG GK Bayani Challenge. 2nd Tranche ang 1,265 Housing Units nga nahuman sa Hunyo 2014; ug 3rd Tranche ang 8,387 Housing Units nga nahuman sa Hunyo 2016.

Tungod sa maayong performance sa nahaunang mga tuig sa padayong partnership sa pagtukod og mga balay ang Comval Province gidugangan pa sa DSWD ug laing 5,862 Housing Units alang sa 4th  Tranch diin  sa pagtrabaho niining mga balaya gimando ni  Gov. Tyron Uy ang pagpakigpartner sa “USWAG-Gawad Kalinga” kay matud pa niya kini maoy pinakamaayong paagi aron mas daling mahuman, mas paspas ang pagtrabaho, ug mapalambo ang kadasig sa mga katawhan nga mo partisipar tungod sila kabahin sa pangkalamboang mga tinguha sa bag-ong kadumalahan sa gobyerno sa probinsiya ug sa Nasud.#YEStoDavaoDeOro (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial