the Official Website of Compostela Valley

P200 Milyones gigahin ni Gov. Tyron Uy sa 2019 aron libre ang kabus nga mga pasyente sa CVPH

Compostela Valley Province-P200 Milyones gyod ang gigahin ni Gov. Tyron Uy sa 2019 aron mas daghang pasyente sa CVPH nga walay mabayrang Hospital Bills ilalom sa Zero Balance Billing Policy sa gobyerno, ug covered na niini matud ni Protective Services Division Chief Preciosa Toledo sa PSWDO kadtong mga pasyenteng enrolled sa Government Sponsored Philhealth ug bisan dili Government Sponsored basta sila kabus ug lisud ang kahimtang sa ilang pamuyo.

Sugod matud pa sa Enero 2019 gipagawas sa probinsiya ang pundong P200 Milyones para sa “Pagkalinga sa Bayan (PSB) Program (PSB)” nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

Kining kwartaha gamiton sa probinsiya matud pa niya, sa pagbayad sa excess nga bayronon sa mga pasyenteng kabus nga nagpatambal diha sa Comval Provincial Hospitals kon ugaling mahurot na ang ilang benepisyo nga ginahatag sa Philhealth panahon sa ilang hospital admission.

Sa pagkakaron adunay duha ka mga lamesa sulod sa Malasakit Center sa Comval Provincial Hospitals nga andam motabang sa mga pasyenteng kabus panahon sa ilang hospital admission aron mapaneguro nga sila way mabayrang Hospital Bills.

Kini matud pa niya mao ang PSB nga gigahinan ni Gov. Tyron Uy og P200 Milyones para sa 2019, ug  ang lamesa sa Opisina ni President Duterte nga dunay P8 Milyones  pundo nga gihatag sa probinsiya matag bulan aron gamiton sad pagtabang sa kabus nga mga pasyenteng magpatambal sa CVPH aron wala silay mabayrang hospital bills. #YEStoDavaoDeOro (Gilbert M Cabahug, IDS Comval)

Please like and share:
Social media & sharing icons powered by UltimatelySocial