the Official Website of Compostela Valley

Mga empleyado sa Comval Capitol misalmot sa “3rd Quarter Simultaneous Earthquake Drill”

Compostela Valley Province–Diyutayng kahilom sa tibuok kapitolyo nahitabo sulod sa pipila ka minuto human ang sunod-sunod nga bagting timaan nga nagsugod na ang  “3rd Quarter Simultaneous National Earthquake Drill” nga giapilan sa mga empleyado sa Comval Capitol sa pagpanguna nila ni  Gov. Jayvee Tyron Uy ug Vice Gov. Maricar Zamora.

Sama sa ubang probinisya Comval Province misalmot sa 3rd Quarter National Earthquake Drill” nga nahitabo niadtong Huwebes (Hulyo 8,2019) diha sa Comval Capitol Ground nga gisugdan sa pipila ka minutong time bell sa alas 2:0 sa hapon, ug samtang nahitabo ang sunod-sunod nga bagting gihimo dayon ang “Dock Cover and Hold” sa mga empleyado sa Comval Capitol nga nag-iyahay ug suksok ilalom sa mga lamesa ug mga lugar nga gituhoang luwas pasilongan ug tagoan.

Human niini ilang giimo ang hilom ug hinay-hinayng paggawas sa building paingon sa evacuation center subay ang pahimangno nga human sa kusog nga linog dili mag-iyahayg panagan pagawas aron malikayan ang dugang kadaot tungod sa panic mga mo resulta sa stampede.

Diha-diha human sa bagting, gi-activate dayon ni incident commander Adelben Ricafranca ang Incident Command System pinaagi sa pag-convene sa Incident Command Team nga gilangkoban sa Incident Commander, sa Logistics and Administration Incharge, sa Rapid Damage Assessment and Needs Analysis (RDANA) Team, sa Compostela Valley Emergency Response Team (COVERT), sa Emergency Medical Service (EMS) Team, ug sa  Capitol Disaster Action Team (CEDAT).

Human ang pipila ka minutong instructional meeting nahitabo ang deployment sa mga lumilihok. Una, ang pagpanghatag kanila sa Safety Equipments nga gitunol sa Logistics and Administration Incharge. Human niini misulod dayon sa Building ang RDANA Team alang sa situational analysis nga nagdeklarang safety kon luwas na sudlon ang Building  human sa  pipila ka minuto, nga maoy gihulat sa CEDAT alang sa gihimong Search and Rescue Operation.

Ang palgang mga biktima sa linog ilang gidala sa triage diin nagpaabot ang Emergency Management Services(EMS)Team nga mao ang mga Staff sa PHO sa pagpanguna ni PHO Chief Dr. Antonio Ybiernas Jr. alang sa assessment sa kahimtang ug sa hinanaling medikasyon. Apan kadtong peligroso ang kahimtang gidala dayon sa pinakaduol nga tambalanan aron maluwas ang kinabuhi.

Evaluators sa bag-o nahumang “3rd Quarter Simultaneous National Earthquake Drill” ang COVERT, ang PNP, ug ang Philippine Red Cross. (Gilbert Cabahug, IDS Comval)

Please like and share:
Social media & sharing icons powered by UltimatelySocial