the Official Website of Compostela Valley

Comval nanghatag ug P300,000.00 nga Livelihood Assistance sa 82 ka SLP Associations

Compostela Valley Province-Tag P300,000.00 nga Livelihood Assistance ang gihatag ni Gov. Jayvee Tyron Uy ngadto sa kada usa sa 82 ka mga SLP Associations sa probinsiya nga apil sa mga importanteng kaayohan nga ginahatag sa gobyerno ngadto sa mga katawhang Comvaleño diha sa mga Conflict Affected Barangays.

Ang pagpanghatag sa ilang tseke nga tag P300,000.00 nahitabo diha sa kapitolyo niadtong Hulyo 29, 2019 ug nakauban sa Gobernador sila PAMANA National Director Andres S. Aguinaldo, Vice Gov. Maricar Zamora, DSWD Regional Director Mercedita P. Jabagat, 10th ID Commander  Maj. General Jose Faustino Jr., ug 1001st Brigade Commander BGen. Gilbert F Saretsa pagtunol niini.

Dugang sa 82 ka mga CSOs ang laing lima ka mga District-1 Congressional Referral SLP Associations nga ila sad nga gihatagan niadtong adlawa og tag P450,000.00 nga livelihood assistance ang kada usa.

Nag-una  sa mga labing importanteng kalihokan diha sa kapitolyo ang “Ceremonial Launching ug Awarding of CSO Accreditation to Sustainable Livelihood Program PAMANA Projects” nga gipasiugdahan sa DSWD Regional Office XI, OPAPP PAMANA, AFP, ug sa probinsiya.

Ang Ceremonial launching gisugdan sa welcome address ni Assistant Provincial Administrator Placido Alcomendras Jr. ug human niini ang pagpaminaw sa mga Inspiring Messages nila DSWD RD Jabagat, Gov. Tyron Uy, Vice Gov. Maricar Zamora, 10th ID Commander Maj. Gen. Jose Faustino Jr., ug ni OPAPP Secretary Carlito G. Galvez Jr. nga gipabati ni PAMANA National Dir.Aguinaldo.#YEStoDavaoDeOro  (Gilbert M. Cabahug PAO-ID Comval)

Tag P300,000.00 nga Livelihood Assistance ang gihatag ni Gov. Jayvee Tyron Uy ngadto sa 82 ka mga SLP Associations sa probinsiya nga apil sa mga importanteng kaayohan nga ginahatag sa gobyerno ngadto sa mga katawhang Comvaleño diha sa mga Conflict Affected Barangays nga gipahitabo sa kapitolyo niadtong Hulyo 29, 2019. Kauban sa Gobernador sila PAMANA National Director Andres S. Aguinaldo, Vice Gov. Maricar Zamora, DSWD Regional Director Mercedita P. Jabagat, 10th ID Commander  Maj. General Jose Faustino Jr., ug 1001st Brigade Commander BGen. Gilbert F Saretsa pagtunol niini. (Provincial Photos)

Please like and share:
Social media & sharing icons powered by UltimatelySocial