the Official Website of Compostela Valley

Sa Comval: Paghatag sa gobyerno og libreng paniudto kada adlaw sa dul-an 8,000 ES Pupils gisugdan

Compostela Valley Province—Gisugdan na karon sa paghatag ug libreng paniudto kada adlaw sulod sa 120 ka Feeding Days ang dul-an sa 8,000 ka mga Elementary School (ES) Pupils sa Comval Province nga nakabenepisyo sa “3rd Province-wide Implementation” sa “Bayanihan Para sa Kalusugan-Kusina ng Kalinga (BPSK-KNK) Program”.

Para sa School Year (SY) 2019-2020, ang “BPSK-KNK 3rd Province-wide Implementation” gisugdan sa Simultaneous Launching nga nanukad diha sa Brgy. Cabinuangan, New Bataan niadtong Hulyo 25, 2019 nga gipanguluhan ni Gov. Tyron Uy ug BPSK-KNK Action Officer Senior Board Member Arturo Uy kauban si New Bataan Mayor Geraldford Balbin.

Ang Division Kick Off Ceremony sa BPSK-KNK didto himoa sa sulod sa bag-o nahumang Covered Court sa Cabinuangan ES.

Si BPSK-KNK Program Coordinator Mark Tenio nagsulti nga para sa 3rd Province-wide Implementation moabot sa dul-an 8,000 ang kinatibuk-ang ihap sa mga ES Pupils sa tibuok Comval Province nga pagahatagan sa gobyerno og libreng paniudto kada adlaw sulod sa 120 ka Feeding Days. Apil kanila ang laing 508 nga makabenepisyo sa Universal Feeding ni Gov. Tyron Uy.

Ubos sa mas gipakusog nga “Bayanihan Para sa Kalusugan-Kusina ng Kalinga (BPSK-KNK) Program” gikasabotan ang himoong pagtinabangay sa PLGU Comval, sa Comval DepEd, ug sa Gawad Kalinga Foundation sa paghatag og libreng paniudto sa mga ES Pupils sa tibuok Comval Province nga nailang “Wasted and Severely Wasted” ang ilang Nutritional Status.#YEStoDavaoDeOro (Gilbert M. Cabahug PAO-ID Comval)

Please like and share:
Social media & sharing icons powered by UltimatelySocial