the Official Website of Compostela Valley

Comval Province gihatdan og 13,655 ka mga titulo sa NHA

Compostela Valley Province-Malipayong gidawat mismo ni Gov. Jayvee Tyron Uy gikan sa mga dagkong opisyal sa National Housing Authority (NHA) ang 13,655 ka mga titulo nga gitakdang ipang apud-apod ngadto sa mga beneficiaries pipila ka adlaw ang moabot, ug sulti sa gobernador atol sa Turn-over Ceremony nga siya magtudlo og mga empleyado sa probinsiya nga maoy tahasang mangamot sa han-ay ug hapsay nga pagtunol niini ngadto sa Typhoon Pablo Survivors nga totally damaged ang ilang mga balay. Nidtong milabayng Lunes (Hulyo 1,2019) gihatud mismo ni NHA Region XI Director Rolando Teves, Jr. ug mga kauban sa NHA Regional Office XI ang 13,655 ka mga titulo nga gitakdang ipanghatag sa mga beneficiaries diha sa 11 ka mga Resettlement Projects Monkayo, sa Compostela, sa New Bataan, sa Montevista, ug sa Laak aron hingpit na nilang panag-iyahon ang mga balay nga gipabuhat kanila sa Gobyerno.

Gikan nila NHA Region XI Dir. Teves ang mga titulo malipayong gidawat nila Gov. Jayvee Tyron Uy, Pro-VIAC Chair Cong. Manuel “Way Kurat” Zamora, SP Members sa pagpanguna nila Vice Gov. Maricar Zamora ug Senior BM Arturo “Chiongkee” Uy, ug sila SDS Dr. Reynante Solitario ug School Governance Operation Division (SGOD) Chief Dr. Ruben Reponte nga nagdawat sad niadtong adlawa sa tulo ka mga dagkong School Buildings nga bag-o lang nahuman pagtukod sulod sa Resettlement Projects.

Apil sa giturn-over niadtong adlawa ang 2 Storey 8 Classroom Building nga natukod diha sa Olive Height Village sa Brgy. Poblacion Monkayo; ang 3 Storey 15 Classroom Building nga natukod diha sa San Antonio Village sa Brgy. Maparat, Compostela; ug laing 3 Storey 15 Classroom Building nga natukod diha sa Monkayo Housing Project 3 sa Brgy. Union, Monkayo, Comval Province.( Gilbert M. Cabahug PAO-ID Comval, Photo by Jonnie)

Please like and share:
Social media & sharing icons powered by UltimatelySocial