the Official Website of Compostela Valley

Comval maoy mo host sa “2019 Boy Scout of the Philippines Eastern Mindanao Jamboree

Compostela Valley Province—-Panguluhan  mismo ni Boy Scout of the Philippines Eastern Mindanao Region (BSP-EMR) Chair Gov. Jayvee Tyron Uy ang pag host sa “2019 BSP-EMR Jamboree” nga pagahimoon diha sa “Compostela National High School sa lungsod sa Compostela Comval Province karong umaabot nga Agusto 14-18, 2019.

Laomang magtapok diha sa lungsod sa Compostela matud ni BSP Comval Council Executive Mark Tenio ang kapin kon kulang 7,000 ka mga Scout Contingents gikan sa nagkdaiyang parte sa Mindanao.

Kapin usa ka libo ang gidaghanon sa BSP  magagikan sa Davao City, dul-an sa usa ka libo ang sa Tagum City, ug kapin kon kulang 3,000 ang sa probinsiya sa Comval nga maoy labing daghan.

Agusto 14, 2019 unang adlaw, ang panagtapok pagasugdan sa Camp Development, Parade ug Grand Opening diin atol niini opisyal nga mohatag si BSP-EMR Chair Gov. Tyron Uy sa iyang Welcome ug Inspiring Message.

Apan maoy maghimong mas lingaw sa unang adlaw ang Fancy Drill Competition ug pagkagabii ang Sub Camp Campfire kon Camp Chief Night nga dumalahon gihapon ni Gov. Uy.

Si Tenio maoy nagpahibalo sa pipila sa mga importanteng mahitabo sa pagahimoong Jamboree diha sa CNHS atol sa bag-o nahumang  Coordination Meeting diha sa kapitolyo niadtong milabayng Hulyo 12, 2019 nga gidumala ni Gov. Uy pinaagi ni Assistant Provincial Administrator Placido Alcomendras Jr. #YEStoDavaoDeOro (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial