the Official Website of Compostela Valley

Sa Comval: 60 nakasohang Drug Offenders mahimong gawasnon sa “Oplan Bagong Buhay”

Compostela Valley Province-Sa moabot nga mga adlaw mamahimo nang gawasnon ang mokabat 60 nakasohang mga Drug Offenders nga karon nakabenepisyo sa Plea Bargaining  Agreement sa Gobyerno ilalom sa “Oplan Bagong Buhay” nga gimugna ni Gov. Jayvee Tyron Uy ilalom sa Executive Order no. 018-2019 nga iyang gipagula niadtong Mayo 14,2019.

Segon sa gipagulang E.O. ang Oplan Bagong Buhay dumalahon sa Provincial Action Team nga panguluhan mismo sa Gobernador nga maoy Chairperson ug mga kauban nga sila PHO Chief Dr. Antonio Ybiernas Jr.- Vice-Chair Person ug sa Action Officer niini nga mao si Executive Assistant 4 Mario Angelo Sotto.

Oplan Bagong Buhay Consultants sila RTC 3 Nabunturan Executive Judge Cresenciana DC. Cruz, RTC 57 Mabini Executive Judge Celestial V. Aranda-Gonzales, RTC 56 Compostela Executive Judge Carmel G. Grado, Provincial Prosecutor Linalou S. Veloso, PAO Nabunturan District Public Attorney Irene B. Sablon, PAO Mabini District Public Attorney Mitos Shiela P. Evangelista, ug Provincial Legal Officer Atty. Neil John Villarico.

Ang Oplan Bagong Buhay mao ang Expanded Version sa “Oplan Liwanag: Community Based Transformative Intervention Program for Voluntary Surrenderers for Reform” nga gidumala gihapon sa “Provincial Anti-Drug Abuse Council (PADAC)” nga gimugna ni Gov. Tyron Uy ilalom sa Executive Order(EO) No. 064-2016 nga iyang gipagula niadtong Agusto 2,2016.

Panahon sa Coordinative Meeting sa Provincial Anti-Drug Abuse Council (PADAC) nga gipanguluhan ni PADAC Action Officer Mario Angelo Sotto, nasabotan ang pagmugna sa Expanded Oplan Liwanag aron mahatagan sad sa susamang pag-atiman  kadtong mga Drug Offenders nga nakabenepisyo sa Plea Bargaining Program sa Supreme Court.

Ang pagpahigayon og Plea Bargaining sa mga akusado gitugot sa Supreme Court para niadtong mga nakasuhan tungod sa ginadiling druga, ug matud ni Judge Cresenciana D.C. Cruz nga sa Comval Province adunay ubay-ubayng gidaghanon sa mga nakasuhan tungod sa violation sa illegal drugs nga karon nakabenepisyo sa Plea Bargaining sa gobyerno.

Kini sila dili puwede matud pa  niya nga isagol sa mga VRS tungod mas grabe ang ilang pagkagumon sa ginadiling druga, ug duna sad silay kaso nga nadesisyonan na sa korte for a lesser offense human sa Plea Bargaining diin usa sa mga requirements kanila sa gobyerno ang pagpailalom sa Drug Rehabilitation aron sila maandam pagbalik diha sa community. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial