the Official Website of Compostela Valley

149 Land Titles ug  P300,000.00 Cash Assistance gipanghatag sa “Tunol Serbisyo Part-2”

Compostela Valley Province – 149 ka mga Land Titiles ug P300,000.00 Cash Assistance ang gipanghatag sa gobyerno ngadto sa mga katawhan diha sa Brgy. Araibo Pantukan niadtong Biyernes (Hulyo 5,2019) atol sa usa ka adlawng “Oplan Pagbabago, Tunol Serbisyo Part 2” nga gipanguluhan mismo ni Mayor Roberto Yugo sa Pantukan,   ni Gov. Jayvee Tyron Uy pinaagi ni Provincial Administrator Virgilia S Allones, 66th IB Commander LTC Roman S Maborrang, Bargy. Capt. Henry Tabanao, ug DILG PD Noel Duarte nga maoy nagpasabot sa Rationale sa AO 70 ni PRRD.

Sa gihimong Tunol Serbisyo sa gobyerno adunay pagpanghatag sa mga titulo gikan  sa Department of Agrarian Reform (DAR) ngadto sa mga katawhan, pagtunol sa P300,000.00 tseke gikan sa Department of Social Welfare and Development (DSWD) ngadto sa “Araibo Bugasan PAMANA SLP Association”, ug uban pang mga kaayohan  nga gitunol sa mga katawhan nila Mayor Yugo, PA Allones, ug LTC Maborrang.

Ang Oplan Pagbabago gimugna ni Gov. Tyron Uy ilalom sa Executive Order (EO) No.028-2018, ug segon sa gipagulang E.O. kining programaha dumalahon sa Oplan Pagbabago Action Team nga gipanguluhan mismo sa gobernador nga maoy Chairperson ug mga kauban nga sila PA Virgilia S. Allones-Vice Chairperson ug Action Officer nga mao si PSWDO Chief Josephine Frasco.

Gitumong sa Oplan Pagbabago nga mahatagan og talagsaong klase sa pag-atiman kadtong mga Former Rebels sa Comval Province kon kanhi mga sakop sa Rebeldeng NPA kauban ang ilang Mass-Based Sympathizers  nga nag-surrender kon mibalik na sa sabakan sa gobyerno sa rason nga gusto na nilang magpuyong malinawon kauban ang ilang tagsa-tagsa ka pamilya nga sa pinakaulahing ihap miabot na sa kapin kon kulang 7,000 ang ilang gidaghanon sa tibuok probinsiya.

Sa Comval Province ang “Oplan Pagbabago, Tunol Serbisyo” mao ang Local Version sa Whole of the Nation Approach nga giimplementar sa Pilipinas ni Pang. Rodrigo Roa Duterte ilalom sa Executive Order (E.O.) no. 70 diin sa maong E.O. gimando sa pangulo ang pagkab-ot sa kasulbaran sa insurgency nga dili pure military ang solution.

Unang hunat sa proyekto gihimo niadtong Pebrero 2019 diha gihapon sa Brgy. Araibo, Pantukan nga gihatdan sa nagkadaiyang klase sa mga serbisyo sa panglawas ug uban pang klase sa mga serbisyo nga gihatag sa gobyerno ngadto sa mga katawhan nga libre. ( Gilbert M. Cabahug, PAO-ID Comval)

Provincial Administrator Virgilia S. Allones, Pantukan Mayor Roberto Yugo, and other officials take a group photo along with some of the children who have received free school supplies 

Please like and share:
Social media & sharing icons powered by UltimatelySocial