the Official Website of Compostela Valley

100 Former Rebels sa Comval gihatagan sa ilang E-CLIP Assistance

Compostela Valley Province—Laing 100 ka mga Former Rebels sa Comval Province ang nakadawat bag-o lang sa ilang E-CLIP Assistance nga gihatag kanila sa Gobyerno pinaagi sa Task Force Balik Loob nga gimugna ni Pangulong Rodrigo Roa Duterte ilalom sa Administrative Order no.10 nga iyang gipagula niadtong Abril 3,2018.

Ilalom sa E-CLIP ang mga Former Rebels pagahatagan sa ilang P65,000.00 nga Livelihood Assistance ug Immediate Assistance, samtang gi-doble sad karon ang ginabayad sa gobyerno sa mga armas nga ilang nadala panahon sa ilang pag-surrender.

Ang pagtunol sa ilang mga benepisyo nahitabo diha sa kapitolyo niadtong Hunyo 19,2019 atol sa usa ka adlawng “Turn-Over of E-CLIP Assistance to Compostela Valley Beneficiaries” diin nakauban ni Gov. Jayvee Tyron Uy pagtunol niini sila DILG PD Noel Duarte, 1001st Brigade Commander BGeneral Gilbert F Saret, PNP PD Col. Arnold Palomo, PA Virgilia S Allones, ug BM Joseph Jaoud. 

Ang Comval Province mao karon ang nag-unang probinsiya sa nasud nga dunay pinakadaghang Balik Loob nga mga Former Rebels (FRs) rason matud ni Gov. Jayvee Tyron Uy nga iyang giimplementar ang Oplan Pagbabago  Program nga gituyo pagmugna aron mahatagan sa espesyal nga pag-atiman ang kapin kon kulang 7,000 taga Comval nga mga FRs nga naglangkob sa NPA Regulars ug sa ilang Mass-Based Sympathizers  nga nag-surrender kon mibalik na sa sabakan sa gobyerno  kay gusto na nilang magpuyong malinawon kauban ang ilang tagsa-tagsa ka pamilya. (Gilbert M. Cabahug PAO-ID Comval, Photo by Maryel)

Please like and share:
Social media & sharing icons powered by UltimatelySocial