the Official Website of Compostela Valley

3 ka mga Regional Winners sa “2019 Gawad Saka Awards” taga Comval

Compostela Valley Province–-Taga Comval ang tulo ka mga Regional Winners sa“2019 Gawad Saka Awards” nga apil sa mamahimong Entries dinhi sa Davao Region para sa “2019 National Gawad Saka Awards”.

Hunyo 17, 2019 gipresentar mismo nila Provincial Agriculturist (PAGRO) Chief Minda Agarano ug Assistant PAGRO Chief Ronald Sibayan panahon sa Regular Employees Convocation Program ang tulo ka mga Regional Winners sa “2019 Gawad Saka Award”.  Mao sila Alejo Luzano sa lungsod sa Compostela nga nakadawat ug award isip Outstanding Rice Farmer, gawas niana ang Tandik Multi-Purpose Cooperative sa lungsod sa Maragusan maoy Outstanding Small Farmers Cooperative uban sa ilang Chairman nga si Jupiter Comaña, samtang ang New Leyte National High School 4-H Club nga maoy “Outstanding Young Farmer Organization” uban sa ilang 4H President nga si Jen Jean Abris ug 4H VLAP nga si Roel Ellaga.

Ang pagpresentar sa Gawad Saka Regional Winners gitambongan nila Assistant Provincial Administrators Fernando Juab ug Placido Alcomendras Jr. ug sa mga PG Department Heads nga sila PBO Chief Eva Jean Licayan, PTO Chief Nora Cagas, PHO Chief Dr. Antonio Ybiernas Jr., PGSO Chief Arceli Timogtimog, PLGU PENRO Eugene Alaba, PHRMDO Chief Lara Zaphire Kristy N. Bermejo, SP Secretary Thelma Yumang ug uban pa.

Una niini opisyal sad nga gidawat ni Gov. Jayvee Tyron Uy ang “2018 National Rice Achievers Award” nga gihatag sa Comval ni President Rodrigo Roa Duterte (PRRD) pinaagi sa Department of Agriculture (DA) timaan sa mga maayong nahimo sa probinsiya nga modaghan ug modako ang ani sa mga Rice Farmers ilalom sa mas gipakusog niyang “Rice Sufficiency Program” sa probinsiya.

Ang pagtunol sa award nahitabo sa milabayng Mayo 30 2019 didto sa Philippine International Convention Center (PICC) sa Pasay City Manila diin iyang nakauban  sila PAGRO Chief Agarano, Assistant PAGRO Chief Sibayan, ug Provincial Rice Program Coordinator Mary Jean Haom sa pagdawat niini gikan sa mga dagkong opisyal sa DA sa pagpanguna ni DA Secretary Manny Piñol.

Apil sa mga premyo nga gidawat sa Gobernador ug mga kauban gikan sa Malacañang ang sertipiko, Plaque, ug 4 Million Cash Prize nga gihatag gihapon sa palasyo pinaagi sa DA.(Gilbert M. Cabahug, PAO-ID Comva)

Please like and share:
Social media & sharing icons powered by UltimatelySocial