the Official Website of Compostela Valley

Gov. Uy: Pagsabot, pagbati, ug pagtabang sa mga kabus ang bag-ong dagway sa heroism

Compostela Valley Province—Ang pagsabot ug pagbati sa mga kabus ug ang makanunayong pagtabang kanila ug pag-atiman sa ilang mga panginahanglan mao ang bag-ong dagway sa heroism rason matud ni Gov. Jayvee Tyron Uy nga karong panahona dili na kinahanglan pa ang martyrdom aron pagailhong usa ka hero.

Niadtong Hunyo 12, 2019 ang Comval Province nagselebrar sa “121st Anniversary of the Proclamation of the Philippine Independence” nga gitmbongan sa mga dagkong opisyal sa probinsiya sa pagpanguna ni Cong. Elect Vice Gov. Manuel “Way Kurat Zamora, sa mga kapulisan, sa mga dagkong opisyal sa nagkadaiyang mga sangang buhatan sa nasyonal nga gobyerno, ug sa mga kasundalohan sa pagpanguna ni 1001st Brigade Commander Brig. General Gilbert F Saret nga maoy unang mihatag sa inspiring Message.

Illalom sa temang “Tapang ng Bayan Malasakit sa Mamamayan” ang selebrasyon gisugdan sa pag esplikar ni Assistant SP Secretary Ivan Ulgasan sa Rationale sa kalihokan nga gisundan sad dayon sa prayer of the nation nga siya gihapon maoy nanguna. Gisunod human sa pag-ampo ang Flag Raising ug Singing of the Philippine National Anthem nga gipangunahan sa kapulisan, ug nagsunod niini ang panunumpa sa Watawat ng Pilipinas nga gipangunahan ni Assistant Provincial Administrator Placido Alcomendras Jr.

Ikaduhang hugna sa selebrasyon ang pagpaminaw sa mensahe sa Guest Speaker nga mao si BGen Gilbert Saret diha sa Capitol Lobby nga gisundan sad dayon sa inspiring Message ni Gov. Tyron Uy nga gibasa ni Provincial Administrator Virgilia S Allones.

Palaran kita matud sa gobernador tungod nakapahimulos kita sa kagawasan nga libre. Karong panahona wala na gikinahanglan matud pa niya nga aduna pay mamatay aron nga kitang tanan mahimong gawasnon labi na nga ang hulga dili martyrdom ang tubag kondili ang kasingkasing nga mobati ug mosabot sa mga kabus ug sa kanunay andam motabang kanila nga nag-antus sa kalisud, kawad-on, illiteracy, ug malnutrition.

Kini matud pa niya ang bag-ong dagway sa heroism nga gibansay sa mga buhing bayani nga mitubag sa panawagan sa bayanihan pagtukod og mga balay ug mga eskwelahan nga naghatag og kahayag sa paglaom nga sa moabot nga mga adlaw makab-ot sa kabus ang masanag nga kaugmaon.

“There is no need for martyrdom to become heroes.Our times call a different form of it. The heroes of today are those who understand the plight of the poor, those who feel their struggles, and those who have the heart to help…” Matud ni Gov. Tyron Uy. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial