the Official Website of Compostela Valley

Sa Comval: Tribung Matigsalog-Manobo sa Sitio Side 4 gusto ma professional ang ilang mga anak

Compostela Valley Province—Pangandoy karon sa tibong Matigsalog-Manobo sa Sitio Side 4, Brgy. Mangayon, Compostela nga sa moabot nga mga adlaw mamahimong professionals ang ilang mga anak.

Tungod duna nay eskwelahan diha sa ilang sitio opisyal nga gipaabot ni Sitio Side 4 Chairman Uraya Mansayloan ang dakong pasalamat sa tribu ngadto sa gobyerno kay napaneguro ang masanag nga kaugmaon sa  ilang mga kabataan ug tungod niini siya malaumon nga sa moabot nga mga adlaw aduna na unya silay mga anak nga mamahimong magtutudlo, engineer, doktor, abogado ug uban pang klase sa profession nga ilang makab-ot.

Hunyo 3,2019 giturn-over ang bag-o nahumang 1 unit 2 Classroom School Building nga gipabuhat sa probinsiya diha sa Sitio Side 4 ilalom sa Programang Bayanihan sa Paaralan diin nakauban ni Gov. Jayvee Tyron Uy sila Mayor Lema Bolo, SDS Dr. Reynate Solitario, 10th ID Commander  Maj. General Jose Faustino Jr., ug PNP PD Col. Arnold M Palomo pagtunol sa bag-o nahumang School Building nga malipayong gidawat sa community pinaagi nila Brgy. Capt. William P Tagra ug Sitio Side 4 Chair Mansayloan.

Ang Sitio Side 4 usa sa mga giilang Geographically Isolated and Depressed Areas (GIDAs) kon hilit ug grabe ka tuyoong lugar sa lungsod, iladong Conflict Affected, ug Matigsalog Manobo ang Dominant Tribe  nga nagpuyo niini. Highly Elevated kon grabe ka subidaon ang nahimutangan sa gilay-ong kapin kon kulang napulo ka kilometro gikan sa sentro sa Barangay. Apan karon dili na lisud ang pagsulod tungod adunay “On Going Road Concreting Project” nga napangayo sa probinsiya gikan sa Opisina ni President  Rodrigo Duterte nga mao ang Office of the Presidential Adviser on the Peace Process ilalom sa programang PAMANA (OPAPP-PAMANA) sa palasyo. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial