the Official Website of Compostela Valley

PLGU Comval kuha ang “PRIME-HRM Bronze Award”

Compostela Valley Province–Apil ang Comval Province sa mga probinsiya sa nasud nga gitakdang pagahatagan sa Civil Service Commission (CSC) sa “PRIME-HRM Bronze Award” timaan nga hingpit nang nakab-ot niini ang Level -2 Accreditation sa “Program to Institutionalize Meritocracy and Excellence in Human Resource Management System”  (RIME-HRM).

Niadtong Desyembre 4, 2019 gipagula sa  Civil Service Commission ang Resolution No. 1801456 diin pinaagi niini opisyal nga gipahibalo nga base sa resulta sa “CSC Onsite Assessment”  pasado ang mga empleyado sa kapitolyo sa PRIME HRM Level 2 Maturity Indicators diha sa Systems, Practices, ug Competencies sulod sa upat ka mga Core HR Systems nga naglangkob sa Recruitment, Selection and Placement; Performance Management; Learning and Development; ug Rewards and Recognition.

Samtang, continuously Compliant sad matud pa ang PLGU Comval sa Civil Service Law and Rules in terms of implementation sa uban pang mga HR Programs ug na maintain sad niini ang HR Records.

Si PHRMDO Chief Lara Saphire Kristy N. Bermejo nagsulti nga tungod sa pagsaka sa PLGU Comval ngadto sa kategoryang Level-2 Accredited sa PRIME-HRM, ang mga Appointment sa mga empleyado ug  trabahante nga gipirmahan sa mga appointing authorities nga sila Gov. Jayvee Tyron Uy ug Vice Gov. Manuel “Way Kurat” Zamora giila na nga usa ka balido ug nahasubay sa nasudnong balaod.

Nakatabang og dako sa paspas nga pagsaka sa PLGU Comval ngadto sa Level-2 Standard sa PRIME-HRM matud pa niya ang dakong puntos nga nakuha sa bag-o naaprobahang Human Resource(HR) Plan sa probinsiya nga diin maoy labing mahinungdanong unod niini ang “Functional Mechanism sa Human Resource and Management” kalabot sa mga panginahanglan ug maayong pagdumala sa mga empleyado ug sa mga trabahante subay ang mga lagda sa balaod nga gimbut-an sa CSC.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial