the Official Website of Compostela Valley

Kapin 30 mil misaksi sa “15 Minutes Grand Fireworks Display” ug Musical Concert nila Bamboo ug Eumee Capile

Crowd Ground Capitol Davao De Oro

Bamboo

Eumee Capili

Fireworks

Davao De Oro Province-Puno sa nag lanog-lanog nga hugyaw sa kalipay, katawa, ug hudyaka ang tibuok kapitolyo sa  kapin 30 mil nga misaksi sa Grand Fireworks Display ug sa dakong Concert nila ni Bamboo ug Eumee Capile niadtong milabayng Biyernes (Marso 8,2019) sa gabii nga maoy nagsira sa usa ka semanang selebrasyon sa 12th Bulawan Festival ug 21st Founding Anniversary nga gipanguluhan nila ni Gov. Jayvee Tyron Uy; Cong. Maricar Zamora; Cong. Atty. Ruwell Peter Gonzaga; ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Ang usa ka semanang selebrasyon sa 12th Bulawan Festival gitapos sa usa ka adlawng Foundation Day Celebration sa milabayng Biyernes ug unang hunat ang pag turn-over ni Cong. Maricar Zamora sa bag-o nahumang Phase-1 Construction sa sa P179 Milyones nga Legislative Building nga nahitabo human ang Pontifical Mass nga giselebrar ni Bishop Medel S. Aseo kauban ang kapin kon kulang 30 ka mga kaparian sa Diocese of Tagum nga na assign sa Davao Del Norte, Davao De Oro, ug sa Queen of Apostles College Seminary.

Dungan niini ang “Bulawanong Ani ug Parada sa Bulawan” diin Highlight sa kalihokan ang Prosperity Float, Music Pool and Headress Parade” nga nagsugod sa Poblacion Nabunturan paingon sa kapitolyo ug samtang kini nagapadayon gihimo sad diha sa kapitolyo human sa Ceremonial Turn-over ang Opening Program nga gitambongan ni Sen. Bong Revilla nga maoy mihatag og Keynote Message atol sa maong okasyon.

Unang hunat sa mga paglingaw gidalit sa mga inilang artista nga sila Glydel Mercado, Pauline Mendoza, Tonton Gutierrez, ug Shyr Valdez ngadto sa liboang mga kababayen-an nga nagtapok atol sa selebrasyon sa “Kasumaran sa Kababayen-an” nga gipanguluhan ni Bulawan Festival Director PWDC Chair Madam Sholai sa ala 1:00-5:00 sa hapon.

Apan  sa pagkagabii dala nila Cong. Maricar Zamora ug Gov. Tyron Uy pinaagi ni Bulawan Festival Director PWDC Chair Madam Sholai sila Bamboo, Yumi Capile, ug ang Local Davao Comedians nga milingaw pinaagi sa nindot nga mga awit ug pakatawa sa kapin kon kulang 30,000 mga katawhan nga misaksi sa giusang Prosperity and Unity Concert ug sa 15 minutos nga Grand Fireworks Display nga maoy nagtapos sa usa ka semanang selebrasyon sa 12th Bulawan Festival ug 21st Founding Anniversary sa Davao De Oro. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial