the Official Website of Compostela Valley

Cong. Maricar gi turn-over ang “P179M  SP Building” sa 21st Founding Anniversary

Davao De Oro Province—-Giturn-over na ni Cong. Maricar Zamora ngadto nila  Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy ang P179 Milyones State-of-the-art Legislative Building sa Comval nga usa sa mga highlight events sa “12th Bulawan Festival ug 21st Founding Anniversary” sa Davao De Oro.

Gihimo ang Ceremonial Turn-Over panahon sa “Bulawanong Kasumaran: 21st Founding Anniversary” niadtong Marso 8,2019 nga nahitabo human ang Pontifical Mass nga giselebrar ni Bishop Medel Aseo kauban ang mokabat 30 ka mga Kaparian sa Diocese of Tagum nga na assign sa Queen of Apostles College Seminary (QACS) ug sa nagkadaiyang mga parokya sa Davao Del Norte ug Davao De Oro.

Gisunod dayon human sa Pontifical Mass ang pag tunol ni Cong. Maricar Zamora sa Legislative Building nga bag-o nahuman sa iyang  Phase-1 Construction ngadto kang Gov. Tyron Uy  nga mao say nagtunol niini ngadto sa mga SP Members sa pagpanguna nila ni Vice Gov. Zamora ug Senior BM Uy.

Parte sa Ceremonial Turn-over ang Ceremonial Cutting of Ribbon ug ang Unveiling of Brass Marker, ug human niini ang Opening Program nga gisugdan sa Opening Remarks ni Senior BM Uy diin gisunod dayon ang Turn-over ni Cong. Maricar of the Symbolic Key ngadto kang Gov. Tyron Uy paingon kang Vice Gov. Zamora nga mihatag sad dayon sa iyang acceptance message atol sa maong okasyon.

Segon sa pagpasabot sa mga dagkong opisyal sa DPWH nga nakadesenyo ang mas luag nga opisina sa mga SP Members sa gilapdong 36 Metro Quadrado ang pinakagamay aron mapaneguro nga mas komportable ang lugar sa ingon ilang mahatagan sa mas maayong pag-atiman ang gialagaran nilang mga katawhan.

Sulti nila 1st District Congressional Chief of Staff Darling Reterba ug Assistant SP Secretary Ivan Kleb Ulgasan nga unang mihatag sa iyang Congressional Fund si Cong. Maricar Zamora para sa Phase-1 Construction nga miabot og P139 Milyones ang nagastong pundo. Samtang, pipila ka adlaw human ang Turn-over gimando sad dayon ni Gov. Tyron Uy ang pagsugod sa Phase-2 construction gamit ang P40 Milyones counterpart sa probinsiya nga naaprobahan sa Comval SP sa pagpanguna nila ni Vice Gov. Zamora ug Senior Board Member Uy.

Ang bag-o nahumang Cermonial Turn-Over of the New Legislative Building gitambongan nila Cong. Atty. Ruwell Peter Gonzaga, Sen. Bong Revilla, ug Senior Citizen Party List Representative Francisco G. Datol Jr. (Gilbert M. Cabahug, ID Comval)

Please like and share:
Social media & sharing icons powered by UltimatelySocial