the Official Website of Compostela Valley

Compostela NHS Champion sa Inter-School Parliamentary Debate

Davao De Oro Province—-Ang mga piniling Dabater sa Compostela National High School nga sila Ram Julius Marababol, Trinie Joy De La Cruz, ug Ian Christian Zerrudo maoy gideklarang Champion sa bag-o nahumang “Inter-School Parliamentary Debate” diha sa kapitolyo niadtong Marso 5, 2019 nga parte sa nag-unang mga kalihokan sa probinsiya atol sa selebrasyon sa Youth Day nga ikatulong adlaw sa usa ka semanang selebrasyon sa 12th Bulawan Festival ug 21st Founding Anniversary sa Davao De Oro.

Sa topikong “Angay ba nga ang Bangsamoro Autonomous Region in Muslim Mindanao (BARMM) mo bulag sa Pilipinas kon maangkon niini ang dili tiawng paglambo human ang napulo ka tuig”, mibarog sa Government Bench ang piniling mga Debater sa Assumption College of Nabunturan nga sila Loures Laine Elaiza Hemoroz, Harvin Lee maghuyop, ug Katherine Kay Sambilon.

Samtang wala mipabor niini ang mga taga Compostela National High School nga mibarog sa Opposition Bench nga tungod sa maayo nilang rason ug maayo nilang pag-esplikar sila gipaboran ug gideklarang mananaog sa mga adjudicators nga sila Michael Bacus, Frederick Omalza, Allin Joy Camille, Gazel Jed Mendoza, Karl Tristan Butalid, Karl Andres Segovia, ug sa ilang Chairman nga si Atty. Dennis Bohol.

Si Provincial Youth Development Division Chief Janice Clarion nagsulti nga ang “Debate Format” gihapon sa  “Mindanao-wide Debate” nga “Asian Parliamentary” ang  gisunod sa bag-o nahumang lantugi diin ang matag team adunay tulo ka mga Speaker gikan sa piniling mga estudyante nga gipadala sa kada eskwelahan.

Marso 5, 2019 ang Comval Province nagselebrar sa Youth Day kon Bulawanong Kabatan-onan nga gisugdan sa Opening Message ni Gov. Jayvee Tyron Uy nga gipabati ni Papa Gov. Senior Board Member Arturo “Chiongkee” Uy. (Gilbert M. Cabahug, ID Comval)

Please like and share:
Social media & sharing icons powered by UltimatelySocial