the Official Website of Compostela Valley

Elem. School Pupils sa Nabunturan perteng lingawa sa “Comval PHO-DOH Mascots”

Davao De Oro Province–-Perteng lingawa ug nag-ilogay pagpahulagway sa “Comval Provincial Health Office – Department of Health (PHO-DOH) Mascots” nga sila “BHW Dodong, Baby Jackjack, Nurse Ana, Doc Ella, Yosikadiri, ug Midwife Maria” ang mga kabataan sa Nabunturan Central Elementary School (ES) nga nakabenepisyo sa libreng “Oral Health Care Services” atol sa usa ka adlawng “National Oral Health Month Launching” nga gipangunahan nila DOH Assistant Sec.  Dr. Abdullah Dumama Jr., DOH Region XI Dir. Annabelle Yumang, ug Gov. Jayvee Tyron Uy pinaagi ni PHO Chief Dr. Antonio Ybiernas Jr.

Karong tuiga ang Comval Province maoy gipiling Venue sa DOH Regional Office XI sa usa ka adlawng “National Oral Health Month Launching” nga nahitabo sa milabayng Pebrero 1, 2019, ug nakahatag og dakong kalipay sa mga ES Pupils  ang  “Comval PHO-DOH Mascots” nga mihatag kanila sa talagsaong mga paglingaw.

Dugang sa mga paglingaw nga gidalit ang “Symbolic Distribution of Toothbrush” kauban sa mga baso ug Face Towel nga magdasig sa mga kabataan paghimong Way of Life ang “Oral Hygienic Habit”, ang paghatag og award sa mga ES Pupils nga walay daot nga ngipon, ug ang Fluoride Application nga gihatag kanila nga libre sa mga Dentista sa mga munisipyo sa pagpanguna ni Provincial Outreach Coordinator Dr. Juan Secuya nga usa ka Dentista sa Comval PHO.

Ang National Oral Health Month Launching gisugdan sa dakong Motorcade gikan sa kapitolyo paingon sa Poblacion Nabunturan ug human niini ang Opening Program para sa usa ka bulang selebrasyon nga malampusong gihimo diha sa Nabunturan Central ES.

Apil sa mga labing importanteng nahitabo panahon sa Opening Program ang pagpaminaw sa mensahe nila ni DOH Assistant Sec. Dumama, ni DOH Region XI Dir. Yumang, ug ni Gov. Tyron Uy pinaagi ni PHO Chief Dr. Ybiernas.

Ilalom sa Presidential Proclamation no. 559 nga gipagula sa Malacañang, gimando ang pagsaulog kada tuig sa Pebrero nga Dental Health Month nga dumalahon sa Philippine Dental Association aron mahatagan ug dakong importansiya ang Good Oral Health.

Karong tuiga ang Nasud Pilipinas nagsaulog sa “National Oral Health Month” sa bulan sa Pebrero ilalom sa Temang: Ngipin na malusog at ProtektaDOH, Masaya at Maningning na Ngiti ang hatid sa Mundo”. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial