the Official Website of Compostela Valley

COMVAL mo host sa DAVRAA MEET 2020

Davao De Oro Province—Opisyal na nga gidawat nila Comval Governor Jayvee Tyron L. Uy ug Schools Division Superintendent (SDS) Dr. Reynante Solitario ug mga kaubanang opisyal sa Department of Education Comval Division ang Davao Regional Athletic Association (DAVRAA) key ug banner para sa paghost sa DAVRAA meet 2020 sunod tuig.

Ang turn-over ceremony nahitabo atol sa closing program sa DAVRAA meet 2019 nga gipahitabo sa University of the Philippines Mindanao – Davao City Sports Complex, Mintal, Davao City niadtong Febrero 2, 2019.

Gikan sa City Government of Davao nga gipanguluhan ni Mayor Inday Sarah Duterte, DepEd XI Regional Director Atty. Alberto Escobarte ug ni kanhi Congressman Isidro Ungab ang pagtunol sa Banner ug Key atol sa gihimong ceremonial turn-over.

Malipayon sab si Governor Uy nga mipahibalo sa mga Davawenyo athletes nga mamahimo nang makasuroy ug maka experience kung unsay naa sa probinsiya sa Comval ug mamahimo na kini sa umaabot nga Davao de Oro.

Gawas niana atol sa DAVRAA meet 2019 nahimong overall 6th runner up sa regular sports ang Comval delegation nga adunay 10 ka gold medal, 31 ka silver ug 55 ka bronze medal nga nadawat sa mga mananaug nga mga athletes.

Garbo usab sa Comval nga mukabat sa 52 ka mga qualified athletes nga madala para sa palarong pambansa apil na ang 9 ka mga coaches ug chaperons niini.

Nakadawat usab ug daghang mga special awards ang Comval delegation diin nahimo nga Champion ang probinsiya sa Comval isip Most Innovative & Attractive Design in the Main Entrance timaan nga ang Comval ang adunay pinaka nindut nga desenyo sa ilang kampo. (Rey Antibo, ID Comval)

 

Opisyal na nga gidawat nila Comval Governor Jayvee Tyron L. Uy ug Schools Division Superintendent (SDS) Dr. Reynante Solitario ug mga kaubanang opisyal sa Department of Education Comval Division ang Davao Regional Athletic Association (DAVRAA) key ug banner para sa paghost sa DAVRAA meet 2020 sunod tuig atol sa closing program sa DAVRAA meet 2019 nga gipahitabo sa University of the Philippines Mindanao – Davao City Sports Complex, Davao City niadtong Febrero 2, 2019.(Provincial Photo, M. Lasaca)

Please like and share:
Social media & sharing icons powered by UltimatelySocial