the Official Website of Compostela Valley

Comval Youth mag “Inter-school Parliamentary Debate” sa “Bulawan Festival”

Davao De Oro Province–-Nangandam karon ang mga kabatan-onan sa Comval Province para sa pagahimoong “Inter-school Parliamentary Debate Tournament” atol sa Youth Day Celebration karong umaabot nga Marso 5, 2019, nga usa sa mga labing importanteng kalihokan sa “12th Bulawan Festival” ug “21st Founding Anniversary” sa probinsiya.

Parte sa preparasyon ang usa ka adlawng “Debate Workshop” diha sa SP Session hall sa kapitolyo niadtong milabayng Enero 25, 2019 nga giapilan sa piniling  Senior High School and College Students nga gipadala sa mga participating Schools sa onse ka mga lungsod nga mag-engkwentro sa “Lantugi sa Davao de Oro-Inter School Debate Tournament” sa moabot nga Youth Day Celebration sa probinsiya.

Si Provincial Youth Development Division Chief Janice Clarion nagsulti nga ang “Debate Format” gihapon sa  “Mindanao-wide Debate” nga “Asian Parliamentary” ang  pagasundon sa mahitabong lantugi, ug ang matag team adunay tulo ka mga Speaker gikan sa piniling mga estudyante nga gipadala sa kada eskwelahan.

Matud pa niya nga parte sa preparasyon ang usa ka adlawng Debate Workshop ug magsunod human niini ang Elimination Round karong Pebrero 16, 2019. Samtang, ang Semi-Final Round mahitabo sa Pebrero 23,2019 nga usa sa mga importanteng promotions sa ngasingabot nga pagbag-o sa ngalan sa probinsiya ngadto na sa Davao De Oro. (Gilbert M. Cabahug,PAO-IDComval)

Please like and share:
Social media & sharing icons powered by UltimatelySocial