the Official Website of Compostela Valley

Brigadier General Saret: Subra 179,000 ang Population sa Comval IPs

Davao De Oro Province–-Sa tibuok probinsiya sa Comval lang adunay kapin kon kulang 179,000 ang populasyon sa Comval Indigenous Peoples’ (IPs), ug matud ni 1001st Brigade Commander BGen. Gilbert F Saret nga sila kinahanglan hatagan og espesyal nga pagtagad sa gobyerno labi na nga pinakadaghang miyembro sa CPP-NPA mga IPs nga miabot og 70% ang gidaghanon sa ilang ihap.

Si 1001st Brigade Commander BGen Saret apil sa mga dagkong opisyal sa AFP nga mitambong sa bag-o nahumang Provincial Peace and Order Council (PPOC) Meeting diha sa kapitolyo niadtong Enero 25,2018 nga gidumala ni Regional Peace and Order Council (RPOC) Chair Gov. Jayvee Tyron Uy ug mga kauban nga sila PPOC Vice Chair Vice Gov. Manuel “Way Kurat” Zamora ug DILG Provincial Director Noel Duarte nga maoy nagpasabot sa mga salient point sa “Whole of the Nation Approach” pagsulbad sa insurgency nga gimando ni Pang. Rodrigo Duterte (PRRD) ilalom sa E.O. no. 70 nga gipagula sa pangulo bag-o lang.

Gipasabot ni Duarte nga ilalom sa Whole of the Nation Approach dili na Pure Military Solution ang himoon sa gobyerno aron masulbad ang dakong hulga sa Insurgency. Patabangon na sa pulis ug militar matud pa niya ang mga LGUs, ang ubang mga ahensiya sa gobyerno, ang community, ug uban pang mga partners sa pagsulbad  sa problema sa Peace and Order sa nasud.(Gilbert M. Cabahug, ID-Comval)

Please like and share:
Social media & sharing icons powered by UltimatelySocial