the Official Website of Compostela Valley

Sa Comval: Hapit 6,000 Senior High nga mga estudyante mipailalom sa 10-Day Work Immersion

Davao De Oro Province-Gipailom karon sa napulo ka adlawng “Work Immersion” ang dul-an sa 6,000 ka mga Estudyante sa Senior High School sa tibuok probinsiya sa Comval nga usa sa mga labing importanteng requirements sa DepEd aron nga sila maka-graduate.

Parte sa Training sa Senior High School ang pagpalambo sa ilang katakos sa napili nilang Specialization nga gidesenyo sa DepEd aron sila maandam sa panarbaho base sa ilang skills o kahanas nga mas mapalambo pinaagi sa 10 ka adlawng Work Immersion uban ang maayong paggiya kanila sa mga eksperto nga mohatag kanila sa mga mahinungdanong lecture, mag-facilitate sa ilang workshop ug hands on kon actual nga pangamot sa mga importanteng trabahoon.

Unang Work Immersion nahitabo niadtong Enero 2018 human gipirmahan nila ni Gov. Jayvee Tyron Uy ug mga kauban nga sila Schools Division Superintendent Dr. Reynante Solitario ug School Governance Operation Division Chief Dr. Ruben Reponte sa Comval DepEd ang unang  Memorandum of Agreement (MOA) alang sa 391 ka mga Senior High nga mopailalom sa napulo ka adlaw nilang “Work Immersion” diha sa nagkadaiyang mga opisina kapitolyo.

Samtang sa Enero 2019 ang gidaghanon sa mga Senior High nga mipailalom sa 10 ka adlawng Work Emersion miabot lang sa 359 ang gidaghanon sa ilang ihap, ug mas daghan kanila ang gikan sa Nabunturan National Comprehensive High School nga miabot og 195 ang kinatibuk-ang ihap nga mipailalom sa 10-Day Work Immersion diha sa nagkadaiyang mga opisina sa kapitolyo.

Si Karunungan Program Manager ug Work Immersion Provincial Coordinator Jennilyn Lansang nagsulti nga ang Comval adunay duha lang ka mga Educational Track nga pagapilian ang mga estudyante sa Senior High School nga mao ang sa Academic ug TVL kon Technical Vocational Livelihood.

Sa Academic pwede nilang pillion ang mga Strand nga “Science, Technical, Engineering, and Mathematics (STEM); ang Humanities and Social Sciences (HUMSS); Accounting Business and Management (ABM) ug ang General Academic Strand (GAS). Samtang sa Technical Vocational Livelihood (TVL) pwede silang magpili sa mga Strand nga Home Economics, Agri-Fishery, ug Industrial Arts. (Gilbert M. Cabahug, ID-Comval)

Please like and share:
Social media & sharing icons powered by UltimatelySocial