the Official Website of Compostela Valley

Universal feeding sa tanang mga Estudyante sa 5 ka eskwelahan sa Comval gisugdan na

Davao De Oro Province–-Gisugdan na karon ni Gov. Jayvee Tyron Uy pag-implementar ang  iyang “Universal Feeding Project” ubos sa “Bayanihan Para sa Kalusugan-Kusina ng Kalinga (BPSK-KNK) Program”, ug unang hunat sa proyekto ang paghatag og libreng paniudto kada adlaw sa mga pagkaong masustansiya ug puno sa bitamina sulod sa 60 ka adlaw ngadto sa tanang Elementary School Pupils sa  lima ka pampublikong mga eskwelahan sa Elementarya sa Davao De Oro.

Para sa tuig 2019 si Gov. Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy nagsugod pag-implementar sa “Universal Feeding Project” nga diin ang tanang mga estudyante na gyod sa napiling mga eskwelahan ang pagahatagan sa probinsiya ug libreng paniudto kada adlaw.

Sama sa una ug sa ikaduhang Roll-out sa BPSK-KNK Program, partner gihapon sa probinsiya ang Comval DepEd nga naghatag ug dakong pundo gikan  sa ilang School Based Feeding Program.

Niadtong Enero 21, 2019 ang feeding program gisugdan sa usa ka “Simultaneous Launching” sa lima ka pampublikong mga eskwelahan, ug diha sa Liboac ES sa Brgy. Elizalde, Maco nakauban ni Gov. Tyron Uy si School Governance and Operation Division (SGOD) Chief Dr. Ruben Reponte nga nangulo sa pagsugod paghatag og libreng paniudto sa tanang mga estudyante sa Eskwelahan.

Dungan sa Libuac ES gihimo sad ang Launching sa Mass Feeding diha sa Anagase ES sa Monkayo, sa Lono-lono ES sa Mawab, ug sa Laak diha sa Lorenzo Sarmiento ES ug sa Bayanihan ES.

“Today I visited Liboac Elementary School in Brgy.Elizalde, Maco, Davao De Oro. I personally witnessed the Kick Off Ceremony of the Universal Feeding Project of the Kusina ng kalinga Program. Under the universal feeding scheme, all the children will be provided with free lunches regardless if they ‘re undernourished or not. We also embark universal feeding to other schools in the province namely Anagase ES in Monkayo, Lono-lono ES in Mawab, Lorenzo Sarmiento ES in Laak, sulti ni Gov. Uy.

“Since we started the KNK Program, Malnutrition Prevalence Rate in schools decreased to as low as 0.85 percent. It greatly contributed In the improved attendance and participation of our children in schools,” dugang sulti ni Gov. Uy. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial