the Official Website of Compostela Valley

Comval PPO gipasalamatan ang duha ka bag-ong Patrol Car nga gihatag sa probinsiya

Davao De Oro Province—Opisyal nga gipaabot ni PNP Provincial Director PSSupt Arnold M Palomo sa Comval Provincial Police Office ang mainitong pasalamat sa mga kapulisan human ilang nadawat ang duha ka mga Patrol Car nga gihatag ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Si Palomo maoy nagdawat gikan kang Provincial Administrator Virgilia S Allones sa duha ka mga “Brand New 4X4 Hilux Patrol Cars” nga gihatag sa Comval PPO ni Gov. Tyron Uy niadtong Enero 14,2018, ug parte sa iyang acceptance message ang mainitong pasalamat sa lidereto sa  probinsiya tungod matud pa niya very generous ug very supportive sa Comval PPO nga dakog natabang sa maayong performance sa “PNP in the Combat Against Criminality”.

Matud pa niya nga tungod sa dakong tabang nga gihatag sa PLGU Comval ang mga kapulisan sa tibuok probinsiya nahimong inspirado ug padayong nag-excell in the performance sa ilang mga tasks and functions nga naila sa kusog nga pag-ubos sa crime volume samtang taas kaayo ang crime solution efficiency.

Gikalipay sad og dako sa kapulisan matud pa niya ang hugtanong suporta sa community ug sa mga political leaders, labi na ang malampusong “Unity Walk Inter Faith Prayer Rally and Peace Covenant Signing for 2019 Election” diha sa Nabunturan niadtong Enero 13,2019. (Gilbert M. Cabahug, PAO-ID Comval)

GIKALIPAY ug dako ni PNP Provincial Director PSupt Arnold M Palomo sa Comval Provincial Police Office human ilang nadawat ang duha ka mga bag-ong Patrol Car nga gihatag ni Gov. Jayvee Tyron Uy niadtong Enero 14, 2018 diha sa Kapitolyo sa Comval  aron dakog matabang sa Provincial Police station sa ilang mga police operation ingon man police visibility para sa pag-mentena sa kahapsay og kalinaw sa probinsya.(Provincial Photo) 
Please like and share:
Social media & sharing icons powered by UltimatelySocial