the Official Website of Compostela Valley

“Comval PJSCC” panegurohon nga malinawon ang “May 2019 Election”sa tibuok probinsiya

Davao De Oro Province—Panegurohon sa “Provincial Joint Security Control Center (PJSCC)” sa Comval Province nga malinawon ang May 2019 Election sa tibuok probinsiya, ug giklaro ni PNP PD PSSupt Arnold M Palomo sa iyang pagsulti niini nga  siya nalipay sa malampusong “Unity Walk Inter Faith Prayer Rally and Peace Covenant Signing for 2019 Election” niadtong Enero 13,2018 nga giapilan sa halos tanang taga Comval nga mga kandidato sa moabot nga piniliay.

Apil sa mga pagpangandam nga gihimo sa probinsiya sa umaabot nga Election sa Mayo 2019 ang pagpahigayon sa usa ka adlawng “Unity Walk Inter Faith Prayer Rally and Peace Covenant Signing for 2019 Election” nga maoy nasabotan sa bag-o nahumang PJSCC Command Conference” diha sa kapitolyo nga gitabangan pagdumala nila Provincial Election Supervisor Atty. Imee P. Ferolino-Ampoloquio, PSSupt. Palomo ug ni 1001st Brigade Commander Gilbert F Saret sa AFP.

Ang bag-o nahumang  “Unity Walk Inter Faith Prayer Rally and Peace Covenant Signing for 2019 Election” diha nila himoa sa CVPPO Covered Court sa Nabunturan diin miapil niini ang mga Board Member sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy ug ang mga Municipal Mayors nga sila Mayor Ramil Gentugaya sa Monkayo, Mayor Roberto Yugo sa Pantukan, Mayor Maricel Colina-Vendiola sa Maragusan, Mayor  Rupet Gonzaga sa Mawab, Mayor Eutropio Jayectin sa Montevista, Mayor Gerald Ford Balbin sa New Bataan, ug uban pa.

Si Palomo maoy midawat gikan kang Provincial Administrator Virgilia S. Allones sa duha ka mga bag-ong Patrol Cars nga gihatag ni Gov. Uy sa Comval PPO, ug parte sa iyang acceptance message ang mainitong pasalamat sa lidereto sa  probinsiya tungod matud pa niya very generous ug very supportive sa Comval PPO nga dakog natabang sa maayong performance sa PNP in the Combat Against Criminality.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial