the Official Website of Compostela Valley

Sa Comval: Laing 10,711 ka mga pasyente naka benepisyo sa libreng Health Care Services

Davao De Oro Province – Laing 10,711 ka mga pasyenteng Comvaleño ang naka benepisyo sa nagkadaiyan mga serbisyo sa panglawas nga gitunol sa probinsiya nga libre pinaagi sa mga sakop ni PHO Chief Dr. Antonio Ybiernas Jr. ilalom sa mas gipalapdang “Preventive Aspect sa Health Care Services Delivery” nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Ang pinaka bag-ong Report nga gipagula ni Outreach Program Coordinator Dr. Juan Secuya nagtug-an nga gikan Hulyo hangtud Desyembre 2018 adunay 5,872 ka mga pasyenteng Comvaleño nga naka benepisyo sa libreng Oral Care nga kasagaraan sa libreng pagpang-ibot sa ngipon.

Lakip kanila ang 112 nga naka benepisyo sa libreng tuli, ang 50 sa libreng opera, ug ang 4,677 ka mga pasyente nga naka benepisyo sa libreng mga serbisyong medical nga pulos gihatagan sad sa probinsiya og libreng mga tamba lug libreng mga multi-vitamins.

Apil sad sa ilang ihap ang hapit 1,000 ka mga pasyente nga nakabenepisyo sa libreng mga serbisyo sa panglawas niadtong bulan sa Agosto 2018 nga maoy highlight event  sa “2018 Reservist Month Celebration” nga gipanguluhan nila ni 1103rd Ready Reserve Battalion Commander LTC Gov. Jayvee Tyron Uy ug ni 1103rd Ready Reserve Battalion Operation Officer BM Raul Timogtimog.

“Sabado sa buntag nakig-uban ako sa mga kaigsoonan sa Maco aron sa usa ka Dental ug Medical Mission sa 1103rd Ready Reserve Battalion, Philippine Army. Isip Commander sa 1103rd Ready Reserve Battalion, gipangunahan nako ang maong aktibidad sa Maco Heights Central E.S. Daghang salamat sa PHO nga gipangunahan ni Dr. Antonio Ybiernas, ug sa tanang miyembro sa 1103rd Ready Reserve Battalion”. Sulti ni Gov. Tyron Uy. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial