the Official Website of Compostela Valley

Cacao Farmers sa Comval gihakot ang “National Cacao Awards” sa “Kakao Konek 2018”

Davao De Oro Province- Napulo gyod ka mga Comvaleño Famers ang mihakot sa National Awards and Recognitions ingon nga qualifiers sa bag-o nahumang “National Cacao Awards”, nga maoy highlight event sa “National Cacao Congress- Kakao Konek 2018” nga sa pagkakaron maoy giilang pinakadakong Cacao and Chocolate Event sa nasud nga gipasiugdahan sa CIDAMI ug uban pang Cacao Value Chain Organizations sa Pilipinas.

Nahitabo sulod sa duha ka adlawang “Kakao Konek 2018” diha sa Davao Convention Center niadtong Oktobre 18-19,2018 nga diin napulo gyod sa mga Comvaleño Cacao Farmers ang nakadawat sa mga dagkong pasidungog nga sila Imelda Zamora sa New Leyte, Maco nga maoy 1st Prize Winner sa “Biggest Cacao Beans Category”; Mr. Dean Mark Sabella sa Poblacion Maragusan nga maoy 2nd Prize Winner sa Biggest Cacao Pods Category ug 3rd Prize Winner sa “Biggest Cacao Beans; ug Mr. Armando Esquadro nga maoy 2nd Prize Winner sa “Biggest Cacao Beans”.

Nakuha sad nila Mr. Ismael Polinarsa New Bataan, Mr. Peter Paul Cruz saBrgy. Manat Nabunturan, ug Mr. Arcadio Alcantara sa Brgy.Antequera sa Nabunturan ang Award sa 10 Best Quality Beans. Samtang, Certificate of Recognition ingonnga National Qualifiers sa National Cacao Awards ang gihatag nila Pablo Pesquera sa Brgy. Panag, New Bataan; Marjorie Gallana sa Brgy. Salvacion, Monkayo; Marcelina Mangaron sa Maragusan; ug Ranilo Molina sa Laak.

Sa tibuok nasud aduna ray 33 Cacao Farmers nga nahimong National Finalist sa National Cacao Awards nga maoy gipailalom sa makuting pag-evaluate sa mga hurado panahon sa duha ka adlawng “Kakao Konek 2018 sa Davao City, ug 10 gyod kanila ang mga taga Comval.

Usa sa mga High Value Commercial Crops nga gipakusog karon sa Comval ni Gov. Tyron Uy sa Comval ang Cacao kay segon sa gihimong Value Chain Analysis padayong nagtaas ang demand samtang ubos kaayo ang supply niini nga miresulta sa padayong pagsaka sa presyo diha sa Mercado timaan sa dakong potential nga kini makahatag ug maayong kaugmaon sa mga nagtanom. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial