the Official Website of Compostela Valley

PLGU Comval mohatag og “CVSP Special Written Exam” sa Oktobre 31, 2018

Davao De Oro Province-— Karong Oktobre 31,2018 ang PLGU Comval mohatag og “Special Written Exam” para niadtong mga estudyante nga gusto mamahimong eskolar sa probinsiya ilalom sa “Davao De Oro Scholarship Program(CVSP)”, ug kini   pagahimoon diha sa Social Hall sa kapitolyo.

Niadtong  Oktobre 9,2018 gisugdan sa probinsiya paghatag ang “Written Exam” sa CVSP diha sa Maco,Mabini, ug Pantukan ug segon sa gipagulang report sa opisina ni Youth Development Division Chief Janice Clarion nga ang Written Exam nahitabo sa buntag diha sa Mabini National High School ug sa AOSR National High School sa Maco. Samtang, sa ala-1:00 sa hapon ang Written Exam diha nila himoa pagdungan sa Pantukan NHS ug sa Magnaga NHS.

Ang paghatag sa probinsiya og Written Exam kutob ra unta sa Oktobre 18, 2018, apan tungod sa hangyo sa daghang mga estudyante rason sa lugway nga gihatag sa probinsya pinaagi sa Special Written Exam nga paghimoon diha na sa sulod sa kapitolyo karong Oktobre 31,2018.

Matud ni  CVSP Provincial Coordinator Janice Clarion nga tungod naaprobahan na sa Comval SP sa pagpanguna nila ni Vice Gov. Manuel “Way kurat” Zamora ug Senior Board Member Arturo “Chiongkee” Uy ang proposal nga giduso ni Gov. Jayvee Tyron Uy

para sa School Year 2018-2019 mas malipay gyod ang mamahimong Scholar ubos sa CVSP  tungod mas dako na gyod ang benepisyo nga ihatag kanila sa probinsiya.

Gisulti sad niya nga ubos sa bag-ong CVSP nga naaprobahan sa Comval SP bag-o lang gipatas-an ang benepisyo sa mga Scholars sa probinsiya sugod sa  School Year (SY) 2018-2019 nga diin mamahimo nang  P15,000.00 matag semester ang para sa TVET ug Baccalaureate Regular Courses para niadtong mag-eskwela sa mga pribadong eskwelahan, ug P10,000.00 matag semester nga allowance ang ihatag sa probinsiya para niadtong diha magtungha sa State Colleges and Unversities nga karon libre na ilalom sa RA 10931.

Samtang, P25,000.00 matag semester ang para sa Baccalaureate Prioritized Courses nga diha magtungha sa mga pribadong Eskwelahan ug P20,000.00 Stipend ang ihatag sad sa probinsiya sa mga estudyante nga diha mag-eskwela sa State Colleges and Universitites nga libre ilalom sa RA10931. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial