the Official Website of Compostela Valley

Comval kuha ang 98% Sufficiency Level sa Rice Production

Base sa gipagulang report sa mga Rice Producing Municipalities  98% Sufficient gihaponkaron sa Rice Productionang tibuok Comval Province, rason matud ni Gov. Jayvee Tyron Uy sa daghang mga Awards nga nadawat sa nagkadaiyang mga opisina sa Probinsiya ug sa mga Munisipyo diin apil na niini ang tulo naka mga “National Rice Achievers Awards” nga nadawat sa probinsiya gikan sa DA Central Office sa kauluhan.

Base sa Report sa mga kalungsuran nakuha gihapon sa  Comval Province ang 98% Sufficiency Level sa Rice Production.

Si Gov. Jayvee Tyron Uy opisyal nga mihatag sa iyang “2nd State of the Province Address (SOPA)” diha sa Monkayo, ug sama sa iyang “1st State of Province Adress” sa milabayng tuig gipresentar gihapon sa report sa gobernador ang iyang Guiding Principle sa kadumalahan nga “One Comval, One Vision” tumong sa mas malungtaron ug mas mapadayonong panaghiusa ug pagtinabangay sa tanang mga lideres ug mga katawhang Comvaleño nga  sa kinatibuk-an na-encapsulate sa way utlanan ug way kinutobang hulad sa Planet (Planeta), People (Katawhan), Prosperity (Kaabunda), ug Peace (Kalinaw) kon 4 Ps.

Ang iyang 2nd State of the Province Address didto niya himoa sa Monkayo Dome niadtong Septyembre 18,2018 atol sa Moblie Session sa Comval SP nga gipanguluhan nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Sa Planet, iyang gipahibalo ang mga paningkamot nga mapaneguro nga naa kanunay sa normalidad ang kahimtang sa kinaiyahan nga gipatuman sa probinsiya ilalom sa nagkadaiyang mga programa ug proyekto sama sa Bayanihan Para sa Kalikasan, Urban Greening Project, Flood Control, Watershed Management Program, Solid Waste Management, Responsible Mining, ug sa Disaster Management and Climate Change Adaptation diin iyang gidayeg ang New Bataan nga nahimong recipient sa “Gawad Kalasag Award”.

Sa Prosperity ang iyang Report sa P1.1 Bilyones kantidad sa 33 ka mga Road Concreting Projects sa gilay-ong 86.6 ka kilometro nga naimplementar sa iyang ika duha ka tuig nga pagdumala isip amahan sa probinsiya ug matud pa niya nga 9 na niini sa gilay-ong 20.30 KM ang nahuman sa kantidad nga P238.65 Milyones), 8 sa gilay-ong 32.638 KM ang padayon pang gitrabaho sa kantidad nga P518.17 Milyones, ug ang laing 16 sa gilay-ong 33.68 KM sa kantidad nga P382.582 KM pagasugdan sa dili madugay sa tuig 2018 gihapon.(Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial