the Official Website of Compostela Valley

Former Gov. Senior BM Chiongkee Uy gihatagan sa iyang “Presidential Lingkod Bayan Award” sa CSC

Davao De Oro Province-Opisyal na nga gidawat ni Former Gov. Senior Board Member Arturo “Chiongkee” Uy ang iyang “Presidential Lingkod Bayan Award” nga gihatag kaniya sa Civil Service Commission tungod sa iyang exemplary performance sa public services delivery.

Gikan sa mga dagkong Opisyal sa CSC sa pagpanguna ni CSC Chair Alicia de la Rosa-Bala malipayong gidawat ni Senior BM Uy ang iyang “Presidential Lingkod Bayan Award” niadtong Martes(Septyembre 11,2018) atol sa usa ka adlawng “Awards Rites for 2018 Search for Outstanding Public Officials and Employees” nga malampusong gihimo sulod sa Grand Men Seng Hotel sa Davao City.

Awardee sad, ug iyang kaubang midawat sa “Presidential Lingkod Bayan Award” gikan sa CSC niadtong adlawa sila Davao Oriental Gov. Nelson Dayanghirang, si Comval Youth Development Officer IV Janice Clarion, si DTI Assistant Region XI Dir. Edwin O. Banquerigo, ug uban pa.

Sa Septyembre 2018 ang Comval Province nagselebrar sa “118th Philippine Civil Service Anniversary” ilalom sa temang “Lingkod Bayani: Maka-Diyos, Makatao, Makabayan” nga gisugdan sa Anniversary Opening diha sa kapitolyo niadtong milabayng Lunes (Sept. 3,20128), ug highlight sa Anniversary Opening ang pagpahibalo mismo ni PHRMDO Chief Lara Saphire Kristy N. Bermejosa “Presidential Lingkod Bayan Award” nga ihatag kang Former Gov. Senior Board Member Uy sa Civil Service Commission(CSC).

Apil sa mga nag-unang kalihokan sa usa ka bulang selebrasyon ang Employees Coop Day sa Septyembre 7; ang Seminar on PSEA and BCSS sa mga sakop sa Provincial Revenue Generation Task force sa Septyembre 10, ang Regional Awards Rites sa Septyembre 11, ang Employees Sportsfest sa Sept. 13-14, ang Opening sa Tourism Month Celebration ug Employees Sportsfest Awarding Ceremony sa Sept.17, ang State of the Province Address ni Gov. Tyron Uy sa Sept.18, ang Pre-Retirement Seminar sa Sept. 19, ang Comval Minstrels’ Choir Retreat Seminar sa Sept.20-21, ug ang Employees Recognition Rites sa Sept.24.

Pagasirhan ang “118th Philippine Civil Service Anniversary” sa usa ka adlawng CS Month Culmination sa Sept. 28,  ug Higlhlight sa usa ka adlawng programa ang “Retirees Homecoming” sa buntag ug pagkahapon ang “Araw ng Parangal at Pasasalamat”. (Gilbert M. Cabahug, PAO-ID Comval)

Davao De Oro Board Member Arturo T. Uy, Janice Clarion of Provincial Youth Development Office, Dr. Reynante Solitario of DepEd-Davao De Oro and Bhen Zar Sam of Local Government Unit of Maco  won as Regional Winners for 2018 Search for Outstanding Public Officials and Employees- Presidential Lingkod Bayan Category. (ID COMVAL)

Please like and share:
Social media & sharing icons powered by UltimatelySocial