the Official Website of Compostela Valley

P800K sa makatudlo kinsa ang mastermind ug nagpusil-patay kang Kap Crizaldo sa Brgy. Pasian, Monkayo

Davao De Oro Province- Premyohan og P800,000.00 nga salaping Cash ang makatudlo sa Mastermind ug sa nagpusil patay kang Brgy.Capt. Joselito Crizaldo sa Brgy.Pasian, Monkayo.

Gisulti mismo ni RPOC Chair LTC Gov. Jayvee Tyron Uy ang paghatag og P300,000.00 sa makatudlo kinsa ang nagpusil, ug laing P500,000.00 ang ihatag sa makatudlo kon kinsa gyod ang Mastermind sa pag Pusil-Patay kang Kap Crizaldo didto sa Poblacion Monkayo niadtong milabayng Martes (Septyembre 4,2018) atol sa selebrasyon sa “Founding Anniversary sa lungsod.

Sa iyang opisyal nga pamahayag giklaro sa gobernador ang grabeng pagkadismaya ug hugtanon niyang pagkondena sa panghitabo nga matud pa niya “such act owns no place in our province” rason sa iyang pagtanyag sa dakong kantidad sa salapi nga ihatag ngadto sa makatudlo sa mga mamumuno aron sila mailhan, masikop, ug masilotan sa labing daling panahon.

Gisulti usab niya atol sa Employees Regular Convocation Program niadtong Lunes (Sept.10,2018) ang pagmugna sa “Task Force Crizaldo” aron mas mapalig-on ug mas mapahugtan pa ang imbitigasyon, diin matud pa niya nga pinaagi niini mapaneguro ang daling pag-ila ug pagkasikop sa mga mamumuno.(PIO Comval)

Please like and share:
Social media & sharing icons powered by UltimatelySocial