the Official Website of Compostela Valley

“500 Palm Trees” gitanom sa Daang Maharlika Highway sa Mawab

Davao De Oro Province-Unang hunat sa Arbor Day Celebration sa Comval Province ang 500 ka punoan sa mga Palm Trees nga gitanom og dungan sa dul-an 500 sad gidaghanon sa mga katawhang Comvaleño nga misalmot sa Urban Greening Project nga parte sa “Provincial  Greening Program” nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Ang dungan nga pagtanom ilang gihimo niadtong Hunyo 22,2018, ug gitamnan sa mga punoan sa Fox tail Palm Trees ang “Daang Maharlika Highway” gikan Brgy. Malinawon paingon sa Brgy.Poblacion, Mawab diin maoy nangulo sa kalihokan sila si  Mayor Rupet Gonzaga ug Gov. Jayvee Tyron Uy pinaagi ni Provincial Environment and Natural Resources Office (PENRO) Chief Eugene Alaba.

Una niini ang hamubong programa nga gisugdan sa Welcome Message ni Brgy. Capt. Alex Sebastian nga gisundan sad dayon sa paghatag ni  Alaba sa Rationale sa  kalihokan ug sa mensahe nila ni Gov. Tyron Uy ug Provincial Administrator Virgilia S. Allones.

Gitumong sa gisugdang “Urban Greening Project” ni Gov. Tyron Uy matud ni PLGU PENRO Alaba nga matamnan og Palm Trees ang tanang National Highways sa Comval kutob sa mga boundaries niini sa mga silingang  probinsiya ug ubang mga roadsides, ang tanang mga GK Villages, ug open public places. (Gilbert M. Cabahug, PAO-ID Comval)

Please like and share:
Social media & sharing icons powered by UltimatelySocial