the Official Website of Compostela Valley

Gov.Tyron Uy gipatabang sa “2018 Brigada Eskwela” ang kapin 3,000 ka mga Empleyado sa kapitolyo

Davao De Oro Province-   Gipaapil karon ni Gov. Jayvee Tyron Uy sa “2018 Brigada Eskwela” ang kapin 3,000 ka mga Empleyado sa Comval Capitol, ug sa pagsulti sa gobernador niini iyang gipasabot nga luyo sa dakong kalipay tungod daghang mga esklwelahan sa Comval nga Brigada Performing Schools sa milabayang 2017 ang kabalaka nga ma sustain ang maayong performance rason sa mas dakong ayuda nga iyang gibubo sa Brigada Eskwela 2018.

Parte niini matud pa niya ang labor component sa kapin 3,000 ka mga empleyado sa kapitolyo nga iyang gipatabang sa “2018 Brigada Eskwela” nga maoy dugang ayuda gikan sa probinsiya gawas sa Cash Assistance, mga Pintura, Paint Brushes, ug Building Materials nga regular  niyang ginahatag sa mga eskwelahan panahon sa Brigada Eskwela matag tuig.

Si Gov. Tyron Uy mihatag sa iyang Inspiring Message panahon sa “2018 Brigada Eskwela Regional Kick Off” diha sa Mabini National High School niadtong Mayo 28,2018 nga nahitabo atol sa  selebrasyon sa “65th Araw ng Mabini”.

Gisugdan ang usaka adlawng kalihokan sa “Welcome and Opening Remarks” nila DepEd Region XI Dir. Atty. Alberto T. Escobarte ug DepEd Comval Schools Division Superintendent (SDS) Dr. Reynante Solitario, ug nagsunod dayon human niini ang Inspiring Messages nila ni Gov. Tyron Uy ug Mayor Reynaldo Dayanghirang.

Opisyal sad nga gipahibalo niadtong adlawa ang nagsingabot nga pagtukod sa MLGU Mabini sa usa ka Multi-purpose Building ug sa P1 Million pundo gikan sa Special Education Fund (SEF) nga gihatag ni Gov. Tyron Uy aron gamiton pagtukod sa Mabini NHS Gym.

Samtang, parte sa Regional Kick Off ang pag recognisar sa pipila ka mga Financing Institutions ug nagkadaiyang grupo tungod sa dakong tabang nga gitunol sa pampublikong mga eskwelahan panahon sa  Brigada Eskwela matag tuig.(Gilbert M.Cabahug, PAO-ID Comval)

 

Gipaapil ni Comval Gov. Tyron Uy sa “2018 Brigada Eskwela” ang kapin 3,000 ka mga Empleyado sa Comval Capitol ug gisulti niya ang iyang dakong kalipay tungod daghang mga esklwelahan sa Comval nga Brigada Performing Schools sa milabayang 2017. (a. dayao/id comval)

Please like and share:
Social media & sharing icons powered by UltimatelySocial