the Official Website of Compostela Valley

Gov. Tyron Uy ug Municipal Mayors mihatag og 100% Support sa 2018 Brigada Eskwela

Davao De Oro Province-100% Support gyod ang gihatag nj Gov. Jayvee Tyron Uy sa 2018 Brigada Eskwela, ug matud pa niya nga nasabotan nila sa tanang mga Municipal Mayors ang paghatag og 100% Support sa usaka pograma nga naninguha nga mamahimong komportable para sa mga estudyante ug mga magtutudlo ang pampublikong mga eskwelahan panahon sa pagsugodsa ilang klase.

Sulti sa Gobernador nga siya inspired tungod daghang Brigada Performing Schools ang Comval Province sa milabayng 2017, apan luyo sa dakong kalipay gibati niya ang dakong kabalaka nga masustain ang maayong performance sa mga eskwelahan rason sa mas dakong ayuda nga iyang gibubo sa Brigada Eskwela 2018.

Parte niini matud pa ang labor component sa kapin 3,000 ka mga empleyado sa kapitolyo nga iyang gipatabang sa “2018 Brigada Eskwela” nga maoy dugang ayuda gikan sa probinsiya gawas sa Cash Assistance, mga Pintura, Paint Brushes, ug Building Materials nga regular niyang ginahatag sa mga eskwelahan panahon sa Brigada Eskwela matag tuig.

Si Gov. Tyron Uy mihatag sa iyang Inspiring Message diha sa Mabini National High School panahon  sa “2018 Brigada Eskwela Regional Kick Off” nga nahitabo atol sa  selebrasyon sa “65th Araw ng Mabini” niadtong Mayo 28,2018.

Ang “2018 Brigada Eskwela Region XI Kick Off” gisugdan sa “Welcome and Opening Remarks” nila DepEd Region XI Dir. Atty. Alberto T. Escobarte ug DepEd Comval Schools Division Superintendent (SDS) Dr. Reynante Solitario nga gisundan sad dayon sa Inspiring Messages nila ni Gov. Tyron Uy ug Mayor Reynaldo Dayanghirang.

Parte sa “Regional Kick Off” ang opisyal nga pagpahibalo sa nagsingabot nga pagtukod sa MLGU Mabini sa usa ka Multi-purpose Building ug sa P1 Million pundo gikan sa Special Education Fund (SEF) nga gihatag ni Gov. Tyron Uy aron gamiton pagtukod sa Mabini NHS Gym.(Gilbert M.Cabahug, PAO-ID Comval)

Please like and share:
Social media & sharing icons powered by UltimatelySocial