the Official Website of Compostela Valley

Comval Capitol  Employees motabang sa Brigada Eskwela

Davao De Oro Province- Patabangon gihapon karon ni Gov. Jayvee Tyron Uy ang mga Empleyado sa Comval Capitol sa Brigada Eskwelasa Mayo 28-Hunyo 2, 2018 labina sa Nabunturan National Comprehensive High School (NNCHS) ug Nabunturan Central Elementary School nga tungod pulos National Winner sa Brigada Eskwela Mega Category sa School Year 2017-2018 mao gihapoy napiling National Entry sa Davao Region para sa SY 2018-2019 Brigada Eskwela.

Apil sad sa paga-adtoan sa Comval Capitol Employees ang laing lima nga Brigada Eskwela Runner-up Winners sa milabayng tuig nga mao ang Compostela NHS, ang Gabi Central ES, ang Matilo ES, ang Bantacan NHS, ug ang Mabini NHS nga maoy sentro sa Brigada Eskwela Region XI Launching sa Mayo 28, 2018.

Si NNCHS School Principal Ma’am Editha Jao nagsulti nga sa School Year 2017-2018 miabot sa P4.6 Milyones ang resource generated sa Nabunturan National Comprehensive High School (NNCHS) tungod sa dakong tabang sa PLGU Comval, sa MLGU Nabunturan, sa mga National Agencies, Private Partners, ug mga katawhan rason sa pagkahimo niining eskwelahana nga Brigada Eskwela Mega Category National Winner sa milabayng tuig ug karon Region XI Entry para sa SY 2018-2019 Brigada Eskwela National Evaluation.

Kahibaloan nga matag tuig si Gov. Tyron Uy ug SP Members sa pag panguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy magpadala sa mga empleyado sa Comval Capitol aron motabang sa mga eskwelahan sa Brigada Eskwela dugang sa gipanghatag sa probinsiya nga mga pintura, construction materials, ug salaping cash nga gamiton sa pagpatahom sa mga eskwelahan. (Gilbert M. Cabahug, PAO-ID Comval)

 

Please like and share:
Social media & sharing icons powered by UltimatelySocial