the Official Website of Compostela Valley

38 migradwar sa Holcim Galing Mason Training

Davao De Oro Province—38 gyod ka mga partisipante sa bag-o nahumang “Gawad Kalinga Build CUM Holcim Galing Mason Training” diha sa Brgy.Pasian sa lungsod sa  Monkayo ang migradwar sa 20 ka adlawng training sa Masonry, ug 100% gyod sa mga miapil pasado na sa gihimong  Assessment sa TESDA nga mihatag kanila sa Certification nga National Competency (NC-II).

Diha himoa sa Social Hall sa kapitolyo ang ilang Graduation Ceremony niadtong Nobyembre 6,2017, ug mismo si Gov. Jayvee Tyron Uy maoy opisyal nga mihatag sa confirmation human sa pagpresentar nila ni Holcim CSR and Admin Service Manager May Escalicas ug Senior Labor and Employment Officer Miles Atugan sa 38 nga migradwar sa 20 ka adlawng Training sa Masonry nga gitunol sa probinsiya ug sa Holcim Philippines nga libre.

Apil sa mga migradawar ang mga Reformed Voluntary Surrenderers (RVS) ug Former Rebels (FRs) nga nakabenepisyo sa After Care Program ug Comprehensive Local Integration Program (CLIP) nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy.

Ang 20 ka adlawng mga pagbansay sa Masonry diha nila himoa sa “New Berjaya GK Village” sa sulod sa compound sa Comval Farm sa Brgy. Pasian nga una nang gitukoran og 14 ka mga “National Build GK Housing Units” atol sa malampusong “Bayani Challenge 2017” nga nahitabo sa ikaduhang semana sa Hunyo 2017.

Hands on sa ilang training ang laing 16 ka mga Housing Units nga gipabarog diha gihapon sa  yuta nga gipanag-iya sa PLGU Comval. Samtang dakong bahin sa gigamit nga mga materyales ang gikan sa Gawad Kalinga Foundation ug sa Holcim Phlippines nga mihatag sa probinsiya sa 400 ka sakong semento alang sa maong katuyoan.

Tumong  sa gipakusog nga After Care Program sa Comval ang padayong pag-atiman sa mga VRS nga na ulian na gikan sa pagkagumon sa ginadiling druga human ang kapin duha ka bulang “Community Based Rehabilitation Sessions” ubos sa “Oplan Liwanag” ug sa mga FRs nga naninguha nang magpuyong malinawon kauban sa ilang tagsa-tagsa ka pamilya. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial