the Official Website of Compostela Valley

“P452 M CMGP Road Concreting Projects” sa Comval sugdan

Davao De Oro Province—Gipanguluhan mismo ni Gov. Jayvee Tyron Uy ang Pre-construction Conference (PreCon) nga parte sa gihimong pagpangandam sa nagsingabot nga Construction sa P452 Milyones kinatibuk-ang kantidad sa laing tulo ka mga Road Concreting Projects sa Comval nga gitunol gihapon ni Pangulong Rodrigo Roa Duterte (PRRD) pinaagi sa Department of Interior & Local Government (DILG) ilalom sa “Conditional Matching Grant to Provinces for Road Repair, Rehabilitation, and Improvement (CMGP)” para sa tuig 2017.

Nahitabo kini sulod sa Social Hall sa kapitolyo niadtong Oktobre 25,2017 ug iyang kauban nga nangulo niini sila PGSO Chief Arceli Timogtimog ug Local Road Management Team Co-Chair Person Engr. Rhoderick Digamon sa Provincial Engineers Office (PEO) kauban ang Area Engineers nga sila Engr. Ricardo Ochea para sa District 1 ug Engr.Pedro B. Balili Jr. para sa Dsitrict 2 sa probinsya sa Comval..

Mitambong niini ang mga Barangay Captains ug ang  mga Construction Companies nga maoy Winning Bidder sa tulo ka mga dagkong Road Concreting Projects ilalom sa CMGP para sa tuig 2017 nga mao ang P75.9 Milyones nga Nabunturan-Saosao-Nuevo Iloco Provincial road Phase-II sa gilay-ong 6.85 KM; ang P200 Milyones nga Mayaon-San Antonio Provincial Road Phase-II sa gilay-ong 12.08 KM; ug ang   P176.25 Milyones nga Elizalde-Anitapan-Provincial Road sa gilay-ong 8.47 KM.

Sa iyang mensahe opisyal nga gipaabot ni Gov. Tyron Uy sa mga kapitanes ang iyang hangyo nga tabangan ang mga contractor aron mahimong mas dali ug mas sayon alang kanila ang pagtrabaho sa tulo ka mga dagkong proyekto sa Comval nga gitunol sa Malacañang pinaagi sa DILG. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial